終於都去到我既wish list餐廳之一~ 川燒!!

終於去到我wish list中的串燒店 - 「川燒」啦!!!! 上次呢頭食, 本身想食呢間, 可惜太多人等位,  我地最後轉去了另一間, 今次有朋友特別早一點來搵位XDXD 我去到佢地已經入座左, 辛苦朋友了!! 呵呵~~ 一入到去, 聞到好香既香料燒烤味, 肚餓指數爆升!!!!!!!






拿拿拿, 食串燒其實都真係好多選擇!!!! 有主打的海鮮、不同的肉類、蔬菜等等, 再仲不同的特色小食、飯麵、梳打、清酒、啤酒!! 真係唔知點揀好~~



因為我們都怕太辣, 只點了小小小辣, 但每張檯都有兩支調味 - 孜然粉同川辣粉. 方便自己調整味道~~! 貼心!



野食未到, 先點了三杯梳打, 分別是青檸話梅梳打、青梅荔枝梳打、青檸柚子梳打! 試齊3個味道, 個人最喜歡話梅呢杯!!!!!!! 好夾串燒味~ 而且咸咸地好開胃!!



燒特濃芝士五花腩: 真係超香濃的芝士, 半肥半瘦的五花腩, 成件事好邪惡但好食!! 冰鎮芥蘭: 嗯... 份量有點少, 味道很清脆爽口, 沾上芥末吃感覺不錯! 燒煙肉荔枝卷: 比起平時只用小蕃茄更香甜!!!!! 夏天荔枝當造, 吃得過~  燒豆卜: 看似平平無奇, 但入便加了腐乳醬, 好惹味!  蜂蜜鳳梨: 即是燒菠蘿啦~~~ YUMMY!! 食完一埋肉類再食返個燒菠蘿, balance返~ 甜度大爆發! 黑豚肉白汁芝士大磨菇: 又是芝士呀!! 其實燒烤同芝士真係好夾, 大磨菇烤完唔會乾身, 入便仲好juicy, 加上芝士同豚肉, 味道豐富, 必食!!



川香肉碎燒茄子: 茄子真係食串燒必點的蔬菜, 因為佢夠大份多汁, 沾滿香料、大量蒜蓉, 真的停不了口!!!!  汁燒牛肋骨: 也是不可錯過的一味! 軟腍有好重的牛味, 腌過的肉更香更入味, 汁燒方式不會太熱氣, 可保留原汁原味, good!!!



好了, 來到最最最重點的二味海鮮!!!!!!!! 黃金芝士燒龍蝦~ 上檯一刻, 我內心有尖叫了一下, 好大一份!!!! 而且超香龍蝦味!! 燒得剛剛好, 不會過熟, 可以輕易肉殼分開~ 味道鮮甜! 啖啖肉, 吃得過癮!!



另一道海鮮就是 - 燒海殼王. 咩黎~ 就係旬殼魚呀!!!  我超中意食~ 用了海鹽腌製再燒, 夠晒味之餘仲好嫩滑! 加上少少檸檬汁就得, 唔使再調味已經好好食!



最後, 仲點左川味芝士撈麵, haha!!! 睇黎我地真係好喜歡芝士~ 不得不說呢個麵的拉絲效果都好出!!  食埋呢個, 真係大大大滿足了!!!

ps: 川燒服務好好!!! 串燒即叫即製, 但又唔會要你等好耐~ 同朋友邊傾計邊食好野, 真係好開心~!! 下次要再黎!!

* * * * * * 

川燒 網址: http://s.openrice.com/QrbS0MaG200 地址: 佐敦 渡船角文英街17號地下 電話: 2311 1230

* * * * * *


Follow:  FB: www.facebook.com/MrsKan.blog
IG: mrskan_net (http://www.instagram.com/mrskan_net/) Youtube: Mrs Kan (http://goo.gl/9EqI55)
Kan夫人。生活雜記




 
       
歡迎聯絡合作: 
Email: ja20121111@gmail.com
http://www.ja20121111.blogspot.hk 

感謝 Kan夫人 提供以上資料

Kan夫人的網誌: http://ja20121111.blogspot.hk/