日式燒肉係香港好似唔太多店有得食(定係我唔知呢...?)
試過食幾次都係食牛角，不過我自己黎講我都幾鐘意牛角既燒肉既，
價錢，服務同埋質素都係好，冇咩特別可以挑剔唯一就係佢只係有4人枱，
如果多人就要迫埋一張枱或者隔好遠分枱，上次我地５個肥人去食就出現左依個問題喇～
不過除左依樣只外其他都好好！
今次2個人去食，分別叫左黑糖牛油蕃薯，厚牛利，王樣豆腐，鴨胸同埋拼盤。
點完菜後，每一次都會有員工細心介紹幾款醬汁同埋夾既用途，如果見你電話放枱面都會主動俾一個透明膠套入住，無論幾爆場依個都係指定動作，公司訓練好好!!!
燒肉途中因為我地冇叫野飲，都不停咁飲水，不過佢地KEEP住加水速度都係神級,基本上我個杯都冇咩點缺過水!
兩個人埋單大概$400左右，價錢適中!會再幫襯!
