迪士尼樂園 - 大街餐廳 Main Street Corner Cafe

如果你有去過香港既迪士尼樂園，依間餐廳對於你黎講應該唔會陌生，
因為佢既位置就係係迪士尼樂園一入去既大街則，亦都係我參唔多每次入去都會光顧既餐廳，
因為聞說佢係樂園裡面最好食一間(?)因為餐廳外正係到進行翻新工程，本身唔係玻璃屋果邊已經圍起左，餐廳入面亦暗左好多，所以大部份都安排坐係玻璃屋果邊，我自己亦都幾鐘意坐果邊，望住睡公主城堡食飯都可以俾我扮下蕃薯= =||||||.....

因為今次用餐時間係下午4點左右，於是同老公點左一個下午茶Set($298)同埋一個蜆肉忌廉意粉($162)。



下午茶架上枱，同上次係酒店食既有小小分別，不過味道亦都係參唔多！
我最喜歡佢鹹點既莧菜酥皮批同埋煙肉芝士撻，焗得好香好脆!
另外佢最頂層既芝士蛋糕亦都好食，芝士味好濃郁，上面果個雪人我開頭以為係牙簽，原來係朱古力牌仔，好得意！

蜆肉忌廉意粉，其實個碟都幾深，份量可夠１個男士份量，料亦都好足，個底有好多蜆肉，煮得亦好creamy，只係味道好淡身（冇落雞汁？！），我諗應該係落小左鹽姐，不過正岩我病緊，清淡ｄ都好＝　＝”


飲品老公點左既係薑樂，我只係飲茶姐，不過老公就話佢杯薑樂好夠薑…飲左會飛天咁話喎！

今次都係我第三定第四次幫襯Corner Cafe，食物依然keep住有水準，亦坐得舒服，侍應們工作亦好有效率，即使用完餐想坐多陣佢地都會不停幫你fill 水杯既水！而且佢地亦有新既coca cola Menu，好似好豐富咁！希望下次入ｐａｒｋ可以試!