HK : 熱爆浮潛 @ 東平洲

 

上星期收完米, 第二日又岀動去東平洲 !

原來唔覺唔覺, 我對上一回去東平洲已經係 2013 之事了, 之前去東平洲都會玩環島行.

今回天氣實在太熱了, 我們一行七人就決定要去東平洲浮潛去 ~~~

 

是日天氣好得有點熱過籠, 坐完船踏上東平洲才不過 5 分鐘, 我地就已經想即刻跳入水中降溫.

這天的水質不錯, 未算非常清澈, 但都可以見到底, 入水都有番咁上下能見到, 玩浮潛都算可以架啦 ~

 

我們來到殷伯檔口前的沙灘, 即場租用了沙灘傘, 齊齊砌好個陣, 就快快衝入水中 … …

水淺處水溫都暖暖地, 不過好過在岸上乾煎, 只要再往深水區走去, 開始感到腳底有冷流.

事實上, 當日有朋友們去潛水, 一致回覆說水中溫度甚低, 只有 22 度左右, 潛耐左都真係會打冷震架 ~

 

我未試過係東平洲落水, 原來真係好多珊瑚群, 而且仲幾靚幾大片添架 !

不過大家玩浮潛真係要留意水中腳下環境, 很多人都係行出去, 即使到左珊瑚區都照樣行上去, 咁其實已經會踏在珊瑚上, 我發現比較近岸位置, 好多珊瑚都被折斷 / 破壞左.

既然大家玩得浮潛, 就不如趴係水面浮水過, 可以邊望著邊游, 唔洗用腳行到咁出喎 ~

 

佢地真係好靚, 好似舖左地毯咁 …

能夠在水中欣賞到珊瑚 及 海葵, 其實係一種幸褔, 要好好保護這片水域哦 ~

 

仲有佢地, 大大小小的遍佈海底, 靚 !

 

只要細心點去找, 其實淺水區都可以找到很多海洋生物 !

 

除左浮潛, 個日就係曝曬自己.

由於日光猛烈, 沙都被曬到熱烘烘的, 原來仲可以做埋雙腳熱沙浴, 頂到幾耐就要睇個人能耐了.

 

玩了大半天, 我們回去殷伯度還太陽傘, 順道租用淡水沖身 及 吃個遲到的午飯.

殷伯呢度的炒飯炒米粉鑊氣十足, 而且份量足 (佢數人頭計, 但真係好鬼大碟), 價錢也算合理的.

聽店員介紹, 殷伯呢度仲做埋海鮮餐, 捉到咩就煮咩俾客人食, 但就一定要預約先有得食 ~

 

唔覺唔覺又玩左一日, 是時候要回程了 !

日落黃昏之下, 我們呢班野又瘋瘋癲癲咁回碼頭等船.

 

回程, 日落 … …

去東平洲如果遇著天氣好, 係會有 Bonus 架 !

今回都有, 呢個海上咸蛋黃一流 ~

 

呵呵 ~ 開開心心又過一日 !

好啦, 下回我地可以再搵野玩囉 ~~~

============================================

感謝 漂泊中的魚 提供以上資料

漂泊中的魚的網誌: http://traveling-fish.tixmart.org/

============================================