冬天最滋潤 – 冰糖燉雪梨
消失左整整一個月，因為今個月真係又忙又懶(?)，月頭有Event忙，然後就去看演唱會，後來開始病，又到公司的週年慶特賣，今天終於都閒落黎可以正正式式地坐到電腦面前去打新Blog，不過食譜暫時這星期都唔會有新住，因為人妻依然仲未病好～囧～今日先發住病前做既燉雪梨！
燉雪梨要用燉盅，其實因為我唔想為左燉一個雪梨而買燉盅，於是我依個係冇燉盅燉的，簡單易快捷的簡易版”燉”雪梨，只要將材料放入電飯煲，開制，待機…有得飲XD
食譜材料:
雪梨 4個
冰糖 適量
南北杏 1茶匙
水 適量
1) 雪梨去皮，切開一半，去芯
2) 雪梨放係飯煲內，去芯位放入冰糖，加入南北杏，水加至剛剛蓋過雪梨，開制等煮至跳回保溫即可！
3) 如果唔用電飯煲？爐火的話，將同樣加水後開大火煮滾，然後調至小火煮30MIN即可!
＊有皮都冇皮有咩分別？其實好多食譜有Ｄ去皮，有D唔去皮，不過我自己煲黎講就會選擇去皮，因為聞說生果皮有好多農藥對身體唔好？不過亦有人話連皮先有營養，大家自行選擇吧～～～
