花園餐廳
花園餐廳依個名相信好多人都唔會陌生，又平又正既大大塊鐵扒餐，話說已經好耐冇食過花園餐廳，某日準備係旺角晚餐因為到到都要等位，於是就揀左唔洗等位既花園餐廳喇！（原因太簡單= =）
入到去，老公點左鐵板牛扒(我唔記得左名~~-v-)，我點既係大蝦配雞扒，餐湯一紅（羅宋湯），一白（忌廉湯），羅宋湯有小小稀，冇以前咁濃，不過料一樣都係多，椰菜蘿蔔同蕃茄。
（點解隻蝦走去左去牛扒到？冇…因為我唔想食俾左老公ＸＤ）
扒餐，牛扒好淋冇筋，（因為我只係食左小小…食評唔多）
雞扒餐，我揀左黑椒汁，有小小辣，不過味道好濃香，如果唔怕辣既我都好建議佢揀黑椒汁！雞扒Size好大塊，肉質好嫩，唔會因為鐵板既高溫令到佢乾到柴咁款．．．
雖然座位唔係好舒服，服務亦唔係細心又和善，地方都只屬普通既乾淨，但係依種普普通通既殘舊感覺係香港已經好難可以再搵到！今次再黎到花園餐廳，有Ｄ感覺到好似去番細個一家４口去鋸扒既果種～～唔知道你有會唔會有果種感覺呢～？
