香港書展 2016 - 亦狂亦俠亦溫文

一年一度書展又到了~
行書展呢好似係中學生時o既消暑節目,
到我出o黎做o野之後就無左雅興無行幾年,
生左小齊之後想搵書比佢睇於是又行返
今年直情帶埋佢o黎行
此行有幾個目的...






一來想同佢買書包開學,
二來又想買啱佢o既書 (帶佢o黎等佢自己揀)



三來我想睇年度主題!



帶小齊o黎仲有個好處 -- 就係可以行特快通道!
雖然都兜左陣, 但已經快左好多



我張飛係送o既, 小齊就比10蚊雞






一o黎先上3樓 (後尾發現根本無時間落返1樓...)
小齊好鍾意睇呢d漫畫書



貼紙書都係



福爾摩斯佢都話唔錯, 今次買左幾本
反正平時都有得訂, 不急於買



睇文具, 貼紙係我地o既興趣!



睇左陣書我地決定去買左書包先
o黎先前我地都做左d research 仲試左d 款
親身試, 上網睇...都有
所以o黎到唔駛好耐就決定到
幫小齊揀書包我會再另文分享~



英文書我今年反而無乜買, 成日只係買左呢本20蚊大大本!!
真係好抵, over 10個故事 ~




其他我地只係睇多, 冇落手~



上文都講過, 其實我今次o黎書展係想睇
年度主題 -- 武俠文學
亦狂亦俠亦溫文
我中學時好迷武俠小說
特別係金庸啦唔駛講, 我睇書o既開始比較遲,
中二時多得一位同學介紹我睇笑傲江湖, 咁就開始左睇金庸武俠小說
呢副聯果 d 好快已經睇晒, 仲係咁翻睇



講緊係耐唔耐就會翻睇, 近排都翻睇完 4 套
自己出o黎做o野搵錢之後我就開始買返d 書o黎儲...
細個時無錢買書都係借... 果時好想儲齊一整套金庸小說咖
仲記得果種借到1, 2, 4冊無3 o既吊癮法
每次電視台做呢就一定借唔到相應o既書...
我第一次捨得真金白銀比錢 book 書就係金庸小說
真係好好o既回憶



如果我話你聽我會考同高考中文, 中化o既火箭都係睇金庸睇返o黎係咪好熱血?!
哈哈
真係事實o黎咖! 多得我媽無阻止我睇, 果時真係好廢寢忘餐睇
匿埋o係被竇睇, 考試前又睇...
書中o既主角練武越練越好,
我o係書外o既中文都係一樣,
果時覺得作文好容易... 蘭花拂穴手一般就寫成800字交貨
作文o既連堂我一定起到貨, 準時放學, 有d同學要"加時"作賽就要被留堂了



我影o既唔多, 但睇返覺得好有親切感!
"少年"回憶
如果我自己一個人o黎會再慢慢睇~






我地仲行左賣文具手工用品果邊
買左d 美勞用品比小齊,
自己又買左d scrapbook 用品



小齊睇人地畫得咁靚好羨慕
呢d 日本動漫佢都有睇咖, 佢話想畫到姐姐咁叻



估唔到除左書仲有d 玩具之類,
mini 航拍機小齊話想買, 不過我地買o黎有咩用?!  





最後行到8點左右先走, 結束 5個鐘旋風式書展一遊!







是日靚衫: Roberto Cavalli Kids, Rayban, Kenzo Kids, Lelli Kelly

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================