暑期活動 游呀游 ~ ~ ~

日日30幾度, 熱到跳舞, 有乜消暑活動好得過去游水?
暑假開始以o黎小齊個個星期都去游2日水,
一日係跟教練學, 一日係同婆婆去樓下泳池玩
又睇下運動多左會唔會快d高?!




  之前5 月o係blog都講過小齊搵左private coach 學游水,
(見舊文 拜師學藝之游水 )
之後好多媽媽都 PM 問我教練資料, 我都一一回覆左,
唔知大家最後有冇book 到阿Sir 時間~?
到而家小齊都學左2個月, 上左10堂, 我又update 下佢學成點
基本上佢叫識左自由式, 感動!~ 卒之叫搞掂一式!
但我地仍在淺水區習泳
因為小齊唔多夠氣力, 以備佢無力游時要踩地,
淺水區會比較安全d




小齊好搞笑, 佢次次上堂之前都話好緊張, 驚驚地上堂,
但游完又話好玩要游耐d...
真係一時一樣



小齊游水方式係我稱之為"阿婆晨操式" 游法,
好慢...好淡定...果種, 唔係運動健將果d "飛魚式"
游水只會係小齊一種消遣同求生技能
佢而家學緊蛙式, 反正今年目標 (學一式) 已經達成,
就由得佢慢慢學啦~
能夠學識自由式佢自己都好開心, 可以自己游同埋show off 比婆婆睇,
每次去游都好enjoy!

是日靚衫: Dolce & Gabbana

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================