| f o o d | 同jen仔齊齊嘆TEA去 – CANVAS x 帝京酒店花漾瑰麗下午茶

多謝公關小姐唔介意我帶埋jen仔一齊去嘆TEA，期待已久的【CANVAS x 帝京酒店花漾瑰麗下午茶】終於單拖成行！能夠帶到佢去的活動我都一定帶～大個仔嚕可以見多啲人見下世面，有得食佢就乜都得架喇^0^!!!! 講返個afternoon tea sin ~首先愛花人士定必爆like，都係男士們哄女生約會不錯的選擇，價錢好合理，正宗又靚又好味。

就由底層開始講起啦！
左起：青瓜薄荷慕絲蛋糕／紅桑子玫瑰荔枝慕絲朱古力撻／玫瑰橙花蜜果凍／芝士焗肉醬玫瑰小法包
中間對落：迷迭香蝴蝶酥

單是看朱古力撻的盆栽造型已經夠吸引，重點又唔會太甜，而蝴蝶酥向來係我的最愛！帶住jen仔去沒法影太多相（因他嚷著要食啊！）同行其他女生就對玫瑰小法包好有好感，外型係玫瑰造型～由新鮮紅菜頭茸製成，再放入食用玫瑰花瓣及肉醬，味道好有驚喜！

中間左起：煙三文魚忌廉芝士夾餅／脆米海鮮沙律番茄脆杯／酪梨鱈場蟹肉撻／炸芝士蝦丸伴橘子醬

芝士夾餅就俾jen仔食晒….當中一口一個的脆米海鮮沙律番茄脆杯同蟹肉撻都超級好味！～果然不論甜點咸點都甚出色。

最後就係靚到一個點的上層
左起：藍莓薰衣草牛奶布甸／草莓玫瑰紙杯蛋糕／蘋果芹菜帕爾瑪火腿卷／提子鬆餅

講起afternoon tea必備的basic鬆餅就來得誇張…jen仔食晒成個呀！食到唔夠仲食埋隔黎位果份真係超不好意思的….而蘋果芹菜帕爾瑪火腿卷又係我心水中的心水，食多幾件都唔夠呀！

而呢個草莓玫瑰紙杯蛋糕實在太吸睛，當然要再來張close up!!其玫瑰花的牛油忌廉由法國草莓果茸及大馬士革玫瑰精華製成，雲呢嗱杯子蛋糕內藏草莓果醬，原完是酸甜超美的代表作。

如此精美的甜點當然不是隨便配一杯凍檸茶就算數，跟set的飲品方面可謂誠意之作，可選Green Garden或Lady Rose！第一round我先試外表吸引的Lady Rose，其冰球係由淑女伯爵茶混合玫瑰花糖漿、梳打水製成，使冰塊融化後濃郁的玫瑰味也得以保持，再灑上一片片玫瑰乾花瓣，伯爵茶＋玫瑰不會很甜，小吃貨當然爭住飲。

又因為一杯飲品要兩個人分XDDD所以我貪心地要求試埋杯Green Garden，勁好飲啊！是由新鮮青瓜及荔枝打成，加入梨子糖水及檸檬汁，清甜略帶微酸，好岩夏天大啖大啖地飲！jen仔表示：唔好再影喇。

相機食完、大家填飽肚子還不止如此！正宗又食又拎呀～～CANVAS瑰麗嫩肌護膚套裝於推廣期內，凡惠顧兩位用套餐可免費換領【 CANVAS瑰麗嫩肌護膚套裝】乙份，內容包括：專業香薰舒緩手部護理禮券及CANVAS $100購物禮券、CANVAS活純淨露水系列指定露水15ml及皇牌玫瑰保濕護手霜。

而七月份送出的是【青瓜舒緩露水】！這支真心正，是超級清爽但又保濕的～向來都有噴玫瑰水習慣的我（無時無刻都會噴啊，妝前噴、妝後噴、沒化妝也噴、睡醒噴、出門噴、臨訓噴…..）用過青瓜這支又完全投入它的懷抱了，夏天就是該用這味道的。

CANVAS x 帝京酒店花漾瑰麗下午茶
HK$508 兩位用 / HK$270 一位用 （*另加一服務費）
供應日期： 2016 年 7 月 1 日至 9 月 30 日（下午 3 時至 6 時）

地點：獅子樓LION ROCK
地址：香港九龍太子道西193號 帝京酒店3樓
電話: (852) 2622 6167

Special thanks : CANVAS

165 total views, 165 views today

=========================

感謝 小知 提供以上資料

小知的網誌: http://siuchi.hk/

=========================