有人話愛情同見富士山一樣，首先要睇下有無緣
無錯，就算你專登安排去睇山，都未必俾你見得到佢真身！
今次東京之旅，除咗去睇繡球花，特別安排咗追山活動
雖然話係追山，但係係咁岩幾個地方都睇到富士山，就不如將佢哋連起嚟啦
心諗第一日睇唔到，仲有第二日，第二日睇唔到仲有第二個地方睇到麻
點知我算漏咗6，7月係日本嘅雨季呢...
有人話係鐮倉江之島可以睇到富士山
但係我睇唔到...
有人話箱根港可以睇到富士山，我睇唔到...
去到富士縣無理由睇唔到啦掛
上到三島大橋，都係睇唔到..
終於，要出發去富士五湖啦...
為咗可以慢慢欣賞富士山，特仲特登訂咗間可以望到富士山嘅溫泉旅館，諗住可以望個夠
點知一出門口就落大雨，仲要係好大雨
點知係我最失望嘅時候，天開始清，仲要有太陽
四周圍望多兩望，嗰坐見唔到頂係未富士山呀？
係抵達河口湖嘅時候，成個富士山出現咗啦！
嗰下我真係開心mmn好想攬住坐山：我終於見到你啦T－T
係溫泉旅館入面房可以望到富士山，浸溫泉嘅私人風呂可以望到富士山
連食飯嘅飯堂都可以望到富士山，我真係覺得自已俾富士山包圍嘅感覺
但係第二日起身，富士山又唔見咗啦...
太容易得到，大家都唔會太過珍惜
追山日子有失望，但當擁有嘅時候令人分外珍惜同難忘～
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
