啊,,,依個便當就係婚後第一次煮俾老公番工既便當..=.=
賣相真係...麻麻,,因為果陣時未買好多料理用既材料,用具~
所以圖中既野都比較
不過老公最後都幫我清哂佢...
【甜味玉子燒】
玉子燒,好多人都會食過,係香港有人叫佢做甜蛋,其實佢可以做鹹做甜,
今次我就係做甜味既..
而上網亦都好多食譜教玉子燒係唔需要一定要用玉子燒專用既長方型煎pan..
而我今次煎既時候都係未用~所以睇落都係比較thin@_@
玉子燒係超易做既料理,有d人會煎完再拎卷壽司既竹簾卷起d!不過我就冇咁做^^
材料:
蛋----3隻
糖----1茶匙
1)3隻蛋打於中碗,加入糖(如果想甜d可以加多一茶匙,我自己就覺得1匙就ok!)
2)打勻蛋,唔需要一定要打勻哂,只係打散小小就ok,咁煎出黎就會有d雲石紋!
3)用廚房紙抹小小油係煎pan,熱鑊後先倒第一層蛋皮,(大概可以分3次倒視乎你既煎pan size!)
4)蛋皮7成熟後就可以用鏟或刮刀,輕輕由邊開始卷,卷起後,再塗一層油,再倒第二次蛋,倒落去時,可以鏟起第一次已卷起既蛋,
咁就令蛋液流落去,熟左就會卷在一起!然後重覆以上就完成了!
【炸雞肉薯球】
當日買左一盒免治雞肉同薯仔,於是就mix左佢想做一個炸球!
材料:
免治雞肉---200克
薯仔(中)---3個
麵粉--適量
麵包糠---適量
蛋---1隻
牛油--小量
1)係薯仔上界十字,然後煲滾水將薯仔烚淋,然後搓成薯蓉,然後放置約1小時,令佢無咁濕!
2)下油炒熟免治雞肉,加小小調味,鹽及胡椒粉!
3)將薯仔及雞肉混合,加小量牛油及調味料,然後將佢分成球狀或塊狀
4)將蛋打散,在兩個碟準備麵粉及麵包糠
5)將搓好的薯仔球依次序做麵衣~~麵粉>蛋液>麵包糠
6)預備油溫170隻左右,便可炸了!!
番外篇!!
如果唔想落重油炸!
用光波爐既朋友都可以做到!
完成step 5之後~將薯仔球放入冰格雪大概15分鐘~令到麵衣雪得較實~
預熱光波爐250度5分鐘
用高架將薯仔球放係上面,用250度焗8分鐘!即成!!
