【日曬雨淋冇有怕】嚴選今夏10大室內玩樂 好去處

夏天正正係雨季，有時想喺周末出外玩下都唔係次次咁好彩！其實香港愈嚟愈多室內玩樂 好去處，喺室內玩足半日又得啫！MoneyHero.com.hk為大家介紹最新的室內 好去處，靜態動態任你揀，唔使再驚落雨掃興冇嘢玩啦！

1）周末室內特色市集

香港除咗行街、睇戲、食飯之外，有冇啲新鮮又有趣嘅地方好去？近來香港有各色各類的特色市集讓大家逛逛，就好似D2 Place的「周末市集」定期舉辦不同特色市集，致力推動本土文化及鼓勵年青人發展創意產業。本著「小商店、大文化」的理念，積極創造全新周末好去處。大家想知每個禮拜最新的市集主題？可以留意D2 Place Weekend Markets Facebook 專頁的更新。

地點：The Space @ 2/F, D2 Place ONE（荔枝角地鐵站D2出口）
查詢電話：2371 1876

2）文青至愛DIY皮革班

近年興起嘅DIY皮革班，最啱一眾「文青」消磨一個下午。坊間已經有不少上堂地方俾大家選擇，大部分都有提供不同課程，例如卡片套、長/短銀包、證件套、首飾及皮帶等等都有得學。喺LCM皮革工作室當中，以卡片套課程為例，價錢為$400至$600（視乎款式間隔而定），課堂約3至5小時。整皮革當係學番一門手藝之外，又可以為心愛嘅人或者好友製造驚喜。

地點：銅鑼灣波斯富街57號2/F
查詢電話：9789 9264

3）挑戰室內攀石場

攀石愈來愈受歡迎，讓你有全新的另類運動體驗。全港最大的室內攀石場Go Nature Climbing Gym，佔地6,500平方呎，有近百條攀石路線，而且有多角度和不同斜度的石牆，非常有挑戰性。另一賣點就是它提供不同程度的攀石及攀岩課程，即使你全無經驗，但參加12小時訓練課程就可獲得一級攀石證書。

收費（全日套票）：成人$168、學生$120、家庭$298（包括1位成人+1位兒童+ 攀石鞋借用）
地點：觀塘興業街14號永興工業大廈地下C2室
查詢電話：3563 7156

4）泡泡足球捲香港

泡泡足球（Bubble Soccer）的熱潮終於由外國踢到嚟香港！同傳統足球嘅玩法非常唔同，當大家穿上充氣的巨型塑膠泡泡，係呢一刻自己就變成為波一樣，目標係要撞開其他「人球」，最過癮的是大家可能會被撞得好似波咁360度旋轉。Bubble Football Hong Kong的場地合作單位飛龍球場，佔地超過2萬平方呎，場內設有兩個玻璃包廂仿真草足球場。

收費：平日18:00前每小時$490；平日18:00後、星期六日及公眾假每小時$800
地點：九龍觀塘道398-402號嘉域大廈6樓
查詢電話：9666 0869

5）室內Running Man

邊個話成大班人一定要出去戶外先好玩！開幕冇耐的Running Games係全新的室內競跑遊戲場，模仿韓國綜藝節目《Running Man》為主題，激烈的撕名牌同埋追擊戰當然唔少得！空間大係佢地嘅賣點！超過1萬呎的空間設計有不同主題區：「逃跑的人」、「不可能的任務」及「巫師的考驗」，要完成整個遊戲大概要1.5小時以上，8人可組成兩隊互相角力。想跟一班老死ReU齊齊Happy，唔係得唱K揀嘅！

收費：每位$220（至少8位成團），學生每位$200（至少12位成團）
地點：新蒲崗大有街25-27號中興工業大廈7樓C座
查詢電話： 6687 7016

6）室內War Game場

平時返工返學坐足8個鐘，一到假日梗係想玩餐飽！打War Game熱血一番都不失為個好選擇！新蒲崗一帶就有幾家室內Ｗar Ｇame場，當中IMPACT FORCE C.Q.B.的面積就好夠份量，場地佔地35,000平方呎，有3個不同主題的戰區任你揀。另一個賣點就係玩得耐，一節為4小時。

收費：每位$240（另有團體訂場優惠），租用基本裝備每套$120
地點：新蒲崗大有街25-27號中興工業大廈8 樓B、C、D座
查詢電話：6687 7422

7）室內激光槍戰

用紅外線代替子彈嘅室內激光槍戰你又聽過未？外國引入嘅Laser Tag，俾大家喺室內都玩得盡興！Lasermads位處銅鑼灣，交通十分方便，即刻約埋好友嚟開火！

玩法一啲都唔複雜，先穿上裝備，戰衣表面有4個感應器，隨便射中一個都會被扣分。一般會玩3槍死，當中也有機會1槍即死，然後3秒復活。房間內又黑又暗又有煙，不過戰衣識發光，所以唔使驚睇唔清敵人。每局有12分鐘，唔好以為好短！其實已經足以令你流晒汗！

收費：非會員每局$118，會員每局$98/2局$158
地點：銅鑼灣怡和街2-6號英光大廈11樓
查詢電話：2343 3033 / 5484 5185（whatsapp）

8）工廈室內飄移賽車

喺室內玩樂，而加就連飄移賽車都有得玩！一班有創意嘅年輕人引入左美國電動玩具車，俾你盡情玩飄移同花式！Crazy Cart場地喺觀塘工廈內，設有賽道俾你試車，面積約等於1個籃球場，以車胎砌出4個彎道。

呢個活動啱晒鍾意刺激活動嘅你，每當入彎時輕輕拉起飄移桿，連接飄移桿的後輪可以360度轉動，飄移時的離心力和速度感一啲都唔弱！

收費：平日每10分鐘$79，周末假日每10分鐘$88
地址：觀塘開源道75號業發工業大廈2期9樓
查詢電話：3428 5298

9）愉景灣室內遊樂場

有乜遊樂場大人小朋友都啱玩？愉景灣「歷奇王國」就係！面積達14,000呎，目測樓底都有至少4層樓高，感覺十分寬敞！場內有彈床、迷宮陣、迷你哥爾夫球等，想玩較刺激的有三十米長滑梯同埋攀石，真係玩足全日都唔夠喉！

收費：全日任玩
12歲以下小童及家長$148，13歲以上$168（一至五）
12歲以下小童及家長$188，13歲以上$200（周末及公眾假期）
地點：大嶼山北愉景灣海澄湖畔路96號地下G31號舖
查詢電話：2441 0098

10）最新最平親子遊樂園

想去近近地同平啲嘅親子遊樂園，新開業的MaBaLAND 親子空間遊樂園絕對唔錯！皆因最平$80就可以玩足全日，室內仲設有5大玩樂設施：波波池、攀爬樂（ 2層高繩網陣）、積木樂園、兒童攀石牆及吹氣彈床。

收費：Day Pass（包括1名小童及1名家長）
$80（一至四）、$115（五）、$150（六、日及公眾假期）
地址：九龍灣得寶花園地下TBG Mall（牛下新城）T138舖
查詢電話：3709 2004

原文轉自：http://www.moneyhero.com.hk/blog/zh/【日曬雨淋冇有怕】嚴選今夏10大室內玩樂好去處