0

2016 年第一個 8 號風 ( 妮妲 )

小地勤點滴 於 2016-08-07 14:46:42 發表  |  累積瀏覽 768

分類:

07.08.2016


每個月的月頭 , 月尾 , 小地勤都特別忙 .


再加上八月頭遇上了 " 妮妲 " , 那天來自四面八方的親朋好友致電向我求救 . 其實 , 小地勤只是一位在航空公司中極其低微的一位小角色 , 平日沒風沒雨 , 萬里無雲的日子 , 找我幫忙轉機票改日子 , 我都無能為力 , 更何況大風大雨的日子呢 ?


一 間比較正常既公司 , 各部門的職責都分得很清楚 . 雖然小地勤一再表示 , 已經轉做文職 , 但朋友們都總認為小地勤有方法令佢地免費 Upgrade , 免費進出各大貴賓室 , 隋意改機票機位 , 不用見工就可以走後門 ... ... 如果我有能力每樣都做到 , 相信我不會只是一名小 Leader .

 

打風的日子 , 很多航班取消了 , 遇上這個情況 , 作為一位乘客究竟可以點樣做呢 ? 很多人會大吵大鬧 , 將怒氣發洩在地勤身上 . 


** 航空公司要包食包住 ? **

根本沒有依支歌仔唱 ! 打風 , 飛機飛唔到 , 損失最嚴重的是航空公司 . 而且航空公司對於因天氣或最常見的大陸空中管制係無責任賠償任何野 . 小地勤唔係冷血 , 事實的確如此 .

 

** 小地勤個人建議 **

1. 旅行前 , 早早買定保險 , 特別係風季的日子 . 買之前記住問清楚包唔包航班取消帶來的損失 

 

2. 訂酒店最好別貪平 , 還是選擇 " 免費取消 " 的房間 . 把損失降至最低 

 

3. 出發前 , 看一看機場網站 , 睇下航班有無取消 . 明知取消 , 飛機都唔敢起飛 , 你卻寧願死都坐車黎機場 , 為咩呢 ? 真係要死左先開心咩 ?

 

4. 打大風的日子 , 航空公司都未至於衰到要你比手續費先肯改機票或退票 . 明知打 hotline 唔通 , 唔係人地唔想聽你電話 , 係你地班人一打通就鬧人幾粒鐘 , 阻住條電話線 , 當然唔通啦 . 一般第二 , 三日打電話過去 , 都會有人聽的 .

 

8 號風 , 全世界唔洗返工返學 . 航空公司職員返工唔係為左比你鬧或明知危險都照開飛機 , 而係知道你地班旅客有幾慘 , 專登返工盡量幫助你地解決問題 . 好聲好氣一點 , 人地都會更盡力幫忙 . 


成日話人地唔派水唔比野你食 . 水 , 機場有水機的 . 食物 , 自己去買 , 有錢旅行去玩 , 總無可能買個 M 記既錢都無 . 航空公司也是打風受害者 , 人地唔包係食 , 好合理 . 為啖氣 , 寧願自己餓死 , 都唔肯花錢買野食 , 值得嗎 ? 


香 港機場對比其他機場 , 已經好好 . 24 小時開放 , 你係到打地舖係無人踢你走 . 因此充電器同外套一定要跟身 . 好多時問職員攞毛毯 , 人地都會盡量比 , 別貪心好嗎 ? 曾經帶一箱毛毯 , 卻被 20 位客人每人攞 5 , 6 條 , 係明點解多多都唔夠派啦 !


航班取消 , 第二日回覆正常 . " 請排隊 " . 人地第二日一樣有客的 , 要等 " 候補 " 位是正常的 , 妣不能叫人地第二日原先的客人全部唔准上機 , 先讓係吧 ! 你航班取消 ... 真的只能怪自己唔好彩 .


小地勤有朋友當日係台北 , 飛機取消了 . 她沒法回來 , 可以做的是先跟公司請兩日事假 , 扣薪都無辦法 , 返唔到就係返唔到香港 . 先跟公司交代一聲 , 再唔係係就係當地睇醫生攞病假 .


朋友係機場好徬徨 , 我 Facebook 跟她說先到櫃位改機票 , 為免第二日風未過 , 快點訂第三日 . 之後就建議佢再唔開心都留多兩日台北 , 玩多兩日 . 酒店訂 Hostel , 不會太貴 .


既然真的走不了 , 擔心到打爆 hotline , 憤怒到小爆個地勤 , 都一樣走不了 . 既來之則安之 , 玩多兩日仲好啦 . 就算你幾擔心 , 飛機飛唔到係改變唔到既事實 , 天文台都準確預測唔到 , 卻怪航空公司無公怖幾時起飛 ... 


同事成日笑話 , 如果可以派架飛機比大吵大鬧既客人 , 就好 ! 要死 , 無人想阻你 . 但相信無職員想陪你去送死囉 !








鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"
  • 林公子 於2016-08-08 08:40:19 留言
    打風我遇過幾次,地震遇過

    其實真係影響到既只係半天

    無野咩好緊張
  • 舉報 回覆
  • No.2
  • 小地勤點滴 於2016-08-08 19:55:44 留言
    原文由 林公子 於 2016-08-08 08:40:19 發表
    打風我遇過幾次,地震遇過

    其實真係影響到既只係半天

    無野咩好緊張
    你係旅遊達人,一定有好多經驗分享 ??
  • 舉報 回覆
  • No.3
  • 小地勤點滴 於2016-08-08 19:56:43 留言
    原文由 林公子 於 2016-08-08 08:39:46 發表
    打風,體驗人性
    依加唔洗對客,都算好架啦。不過,同事就慘d
  • 舉報 回覆
  • No.4
  • 林公子 於2016-08-09 03:55:11 留言
    講次數應該會你多D,你免費飛多,我係去每次去長時間
  • 舉報 回覆
  • No.5
  • 小地勤點滴 於2016-08-09 16:18:50 留言
    原文由 林公子 於 2016-08-09 03:55:11 發表
    講次數應該會你多D,你免費飛多,我係去每次去長時間
    次數多 , 但無你玩得咁仔細 , 我都無咩野可以分享 , 來來去去都個幾個地方
  • 舉報 回覆
  • No.6
  • 1874飛飛 於2016-08-10 00:31:19 留言
    八月打風, 唔會無想過係嘛? 不過現在都是唔理性既人好多
  • 舉報 回覆
  • No.7
  • 林公子 於2016-08-10 03:22:17 留言
    6月至9月一定打(預左)
    去沖繩,台灣,日本,遇過晒

    不知幾開心

    以前去到CHECK IN 實派餐卷,而家緊係無啦

    以前寄晒行李比佢先,拎住張卷去食飯
    無卷咪自己搵間鋪頭食下飯坐下~
    最耐個次都係半日受影響~
  • 舉報 回覆
  • No.8
  • 小地勤點滴 於2016-08-14 18:21:40 留言
    原文由 林公子 於 2016-08-10 03:23:25 發表
    唔好貪平坐垃圾AIRLINE,會好D既~
    冇事冇幹,坐廉航都 ok,
    但遇上打風落雨,傳統航空公司都仲會派人幫下你,答下問題。
    廉航想搵個人問下野都冇。一分錢一分貨。
    唯有盡量避開打風的季節
  • 舉報 回覆
  • No.10

最多能輸入300字

累積瀏覽 495754

全部攻略 711

全部回應 4285