由 漂泊中的魚 於 2016-08-19 00:00:00 發表 | 累積瀏覽 517
上午完過滑翔風箏, 下午我地就去玩浮潛 !
之不過要去玩, 都要有能量先得架, 咁我地先去米原海灘附近的 Nu-bo Cafe 醫醫肚啦 ~
呢間 cafe 出名在 … … 個景 ! 當然食物也不差, 主打日式西餐, 午市菜式選擇不算多, 以蛋包飯為主.
我地一人一份飯餐再加甜品及飲品, 嘆下午飯又嘆下個海景, 都幾唔錯 !
Nu-bo Tripadvisor Review :
好多人黎呢間餐廳, 都係為左呢個景, 可惜天氣太熱實在未能留在戶外 !
還好, 在室內都可以望得到 … …
餐廳附近有一個 view point, 可以望得到米原海灘的風景 ~
我們決定要來到米原海水浴場玩浮潛 !
呢個海水浴場幾好, 因為場地設施幾齊備, 我們停在 Camping 那邊的免費停車場, 附近已經有沖身位及洗手間.
不過若想要再舒服一點, 可以泊去另一邊的停車場, 只要俾少少錢就可以用更衣室, 順手仲可以租埋沙灘傘架啦 !
穿過了叢林, 我們來到了長長的沙灘, 風景非常的不錯吧 ?!
留在沙灘上實在太熱, 我們都要去租來一把太陽傘, 不過都不及直接跳下水來得暢快 ~
下午時間剛好是退潮, 水就淺了一點, 但就可以游到很遠很遠 … …
靠近岸一點的水質不錯, 而且生態豐富, 可以遇到很多小魚 ~
這水域的珊瑚群超美, 又完整又大群, 能夠邊遊邊欣賞, 睇都覺得開心 !
第 6 張我影左條小魚, 企直係珊瑚礁上, 伸直頭貼近水面, 似乎在守候著些什麼 … …
除左珊瑚, 仲有好多大大小小的魚類, 尤以顏色鮮艷的珊瑚魚為主.
Day 2 我係竹富島的海中搵到小丑魚, 不過係呢度就唔係咁覺眼 …
珊瑚群的水中倒影 …
仲有巨型蚌死後遺下的殼, 好大個架 !
水面的 wide shot !
Go Pro 的其中一個好處, 就係好夠 wide, 但就唔洗諗住用佢去影細野 ~
來到石垣, 唔係唔去海人朝拜一下吧 !
不過今回不算太多合心水的 T-shirt, 反而佢條鯨鯊手巾令人愛不釋手 !
為小朋友們買下小玩具, 自己又買左個, 但仲未得閒開黎玩 … … 大家估下隻蛋會生出咩海洋生物呢 ?!
講晒我地係石垣玩的野, 咁就梗係要介紹下美食啦 !
未講食店, 就先介紹呢間菠蘿食品店, 有多款以本地生果作食材的手信, 仲有冰條同蛋糕添 ~
話時話, 我第一回見到白色皮的熱情果 !
一連介紹晒呢 2 晚食過的美食, 兩間皆算是來石垣必試的食店 !
第一家 - まぐろ専門居酒屋ひとし 石敢當店 !
以沖繩本土料理為主打, 同時有售平價魚生, 魚生新鮮抵食, 料理同樣出色美味, 而且價錢很相宜, 真係可以叫到一枱都係, 當然我地係唔會浪費, 全清 !
來到這裡必定要點 Toro Tuna Set, 只要 980 yen, 就有 2 件靚 Toro, 2 件普通 及 4 小卷, 係咪超級抵食呢 ?!
至於石垣牛壽司, 可以試齊兩味, 值得食齊晒佢架 !
まぐろ専門居酒屋ひとし – 石敢當店 Tripadvisor Review :
熱食一樣得, 炒沖繩苦瓜 及 和牛炒飯, 都令人食唔停口 !
埋尾黎一個芒果甜品, 完美結束.
提醒大家如果係 peak season 黎到石垣島, 記得一定要訂座 !!
Day 3 於日落時份, 我們再次開車入石垣市吃晚飯 !
Day 3 我們訂了位吃燒石垣牛, 今回選來 和牛専家いしなぎ屋 !
呢間店的證明書很多, 餐牌選擇也不少, 甚至可以上網睇下英文 Menu 架 ~
唔理咁多, 先來一份石垣牛壽司啦 !!
和牛専家いしなぎ屋 Webpage :
接著主菜上來了 – 要了兩份特選, 再搭了一份精選, 外加聽過未食過的牛小腸, 份量足夠填飽我們四大兩小的了 !!
唯一可惜之處是想吃到的牛舌, 竟然沒貨了 !!!!! 可惜, 可惜 …
燒肉的質素就無可質疑的好, 不過最出色的竟然係呢碗冷麵 !!
超級彈牙, 冷麵汁又惹味, 很適合吃完燒肉時先食 ! 推 ~~
每一晚我們都會逛超市 / 便利店, Day 3 當然唔例外, 仲要買埋食材煮早餐架嘛 ~
來到石垣, 定必要觀星看夜景, 我們 Day 2 去了御神崎灯台那邊影星, 那片夜空加海浪星, 成為這晚最美的紀錄 !
大家留意番, 我唔係係度拜神, 只係影緊相咋 … …
相中點點的白點, 唔係花紋, 真係星星黎架 !
無奈我放上 Blog 的相片解像度調低左, 所以唔係睇得咁清楚 …
放朋友用專業大機拍出來的, 星空要來得清楚多了 !!
有人要留守家中照顧小朋友, 我地 3 條友偷走出來, 食宵夜兼扮 model !
兩條友仔, 羅住啤酒扮廢青 ?!
Day 3 小朋友們得到批準, 可以晚睡齊齊去玩煙花 !
可惜我太懶, 相機都冇用, 原來手機真係唔太影到煙花的效果哦 …
玩完煙花, 俾人用星圖搵左條銀河出黎, 自然有人會去曝光架啦 ~
結果 … 真係俾朋友影左出黎, 勁呀 !
我地係去左底地海灘個邊, 地方夠晒黑, 比 Day 2 那晚見到更多星, 而且方位對正銀河, 是值得推介的觀星位置 !!
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
