四日快閃日本九州 * 宮崎 ( 自駕遊 - 第二日 ( 第二站 ) - 鵜户神宮 ) AUG*2016

11.08.2016

地圖上來說 , 應該先到日向南公園再落鵜户神宮 , 但怕在日向南公園逗留到忘了時間 , 因此先去鵜户神宮影返張到此一遊照 . 鵜户神宮係一個建於海邊洞穴內的神社以祈求生仔最出名 .

在網上早就 Download 左個地圖 , 諗好左泊入神社內的停車場 .

點知遇上維修 , 被指引去左臨時車場 . 位置就係數字 12 下面個車場 ...

當見到個指示牌話要行 1.2 公里時 , 再望到條長命斜 , 心諗 " 唔係掛 !! "

同自己講行完依條路 , 應該就到 , 點知又黎一條長命斜 ...

上到頂見到一間小店 , 以為好快就到 .

點知係剛開始 , 又上又落 , 再上再落 . 穿過條隊道都仲未見到個神社 . 依加先放棄都係要行一大段路 , 唯有堅持下去 .

終於見到鵜户神宮四個字 , 即數字 15 的神門 .

 

努力再行 , 來到數字 16 的樓門 ... 熱到根本無咩心情影相 .

 

 

沿住海岸一直行呀行 , 好後悔無帶跑鞋 . 就算有海風 , 都感覺唔到 " 涼 " , 完全係活在焗爐內的感覺 .

 

雖然風景的確幾靚 , 海天一色 , 再加鮮紅的神社 , 好大對比 , 更加突出 . 可惜 , 真係熱到無心情欣賞 .

 

 

樓門後有一條小路 , 有好多小鳥居 , 但見到條山路就已經無氣再行上去 . 影張相 , 留作紀念當行左 .

 

 

都唔知自己行左幾奈 , 幾多樓梯 , 先黎到神社範圍 . 數字 13 的千鳥橋 .

 

兔仔造型 , 很可愛 .

 

來到洗手的地方 , 對面有個免費提供冷凍玄米茶的休息區 . 連續飲左 5 杯茶 , 休息左廿分鐘 , 先再上路 .

 

地圖顯示的數字 14 玉橋 ...

 

過了玉橋 , Help !!! 又係長命斜 ... 行左幾百級樓梯先黎到依個神社 , 無下次 !!! 行到起水泡 .

 

數字 5 的靈石-龜石 .

 

掉中龜石有運行 . 好多人掉 , 唔記得係男左女右 , 定女左男右 . 不過旁邊有講解的 .

 

依個神社真係好特別 , 建於洞內 . 影左一張相 , 行左一圈 , 就離開了 .

 

洞頂仲會滴水 . 本殿後面有 " 乳岩 " 又話飲過 " 乳水 " 會生仔 , 有興趣可以黎試飲下 . 小地勤老公都有叫我試飲下 , 不過我就真係唔敢飲 , 萬一肚痛就麻煩了 .

 

500 Yen 一塊 , 好似共價咁 , 每個神社都賣 500 Yen .

沿路上上落落再上上落落 , 回到泊車處 , 今個行程真係行到腳軟 . 下一站日向南公園 .