四日快閃日本九州 * 宮崎 ( 自駕遊 - 第二日 ( 第三站 ) - 日向南公園 ) AUG*2016

11.08.2016

今日的最後一個景點係日向南公園 . 在網上睇到依個 A 貨復活島摩埃像 , 有感自己依生人都唔會去復活島 , 所以就算明知 A 貨 , 都想來跟大頭仔合照 .

成人入場費 700 Yen 一位 , 免費泊車 . 好似有張 1000 Yen 一年任用的 Pass , 有興趣請自行到官網查看 .

一落車就見到大頭仔歡迎你 .

祈求和平的插畫 . 仲未完成 , 仲有好多位置比留待更出色的畫作 .

出發前就 Download 定個地圖 , 亦諗好想去既地方 .

一心以為係平地 , 點知我錯了 ... 先來到動物舍 , 好多小朋友在餵牛 . 宮崎牛真身 ?

必拍景點 , A 貨復活島摩埃像 .

不同的大頭仔代表不同的運氣.

爬上去跟大頭仔合照 , 真係好巨大 .

有世界文化遺產的介紹 , 當中我只去過意大利的梵蒂岡 .

繼續向上爬 , 目的地係最頂的地球感謝鐘. 沿途有很多擺設 , 其實想拍到此一遊照 , 但小地勤老公已經熱到燥底 .

好多彩色人 , 唔知佢地又代表什麼 ? 藝術依家野 , 我真係唔多識 .

終於來到大廣場 , 唯一一個有大冷氣的地方 . 明明唔肚餓都要坐係餐廳食飯 . 小地勤真的要溶化了 .

逗留左個幾鐘先死死地氣行返出去 , 繼續向上爬 .

無數的樓梯後 , 終於見到通往地球感謝鐘的太陽的階梯.

為感謝地球而建 . 沒有地球就沒有我們 .

內裡有一支長燃的燈" 21世紀出發之燈 "

之後再沿路落山 . 有錢的人其實可以選擇車出車入 30 分鐘 1000 Yen .

很多人爬上天空之塔影相 , 小地勤沒力氣了 .

臨走前再跟摩埃像影多張相 , 依個角度很不錯 . 都沒人阻擋 . 告訴大家多一點 , 真正的摩埃像根據資料係面向海的 , 為了識別 , 所以這裡的摩埃像是面向陸地 .

晚 上經都城再到鹿兒島 . 一來可以避開有料收費 , 二來在都城有野買 . 由宮崎直飛鹿兒島 IC 單程收費約 4300 Yen , 要行 3 小時 , 約二百多公里 . 而札幌落函館要三百幾公里 , 北海道一張 ETC 全包 , 所以在九州自駕遊 , 真係好貴 .

晚上的鹿兒島天文館大街 . 早早關門了 .

對比宮崎 , 鹿兒島的確很熱鬧 . 簡簡單單又一餐 , 味道普通 , 個人比較喜歡札幌的拉麵橫町 , 而且大熱天時食拉麵 , 真係熱到成身汗 !