身為一個家庭「煮」婦，最大嘅成就係令到屋企人食得健康。
自細就受靚靚媽咪影響，黃小太係甚少到超市買餸嘅人，比較喜歡行街市多d選擇，鐘意街市的人情味。
每次行過檔口，檔主都唔太相信我係識得下廚，由經常俾檔主搵笨，到後嚟經常得到檔主嘅教路，獲益良多。那份人情味係超市永遠得唔到
每次行街市，總是逛一大輪才決定當晚煮什麼菜，又或者係完全偏離原來計劃嘅餐單
街市每日都有新鮮野返，當然要邊樣當造就食邊樣啦
朋友仔成日話行街市又熱又臭，不如出街食算啦。
但喜歡就吾覺辛苦架啦，原來用行街市又熱又臭得嚟嘅汗水味，換取屋企人食飽滿足嘅笑容同健康比任何野都重要
由今日起將會炮製多d價廉物美嘅家常菜，等大家可以一齊抗通脹啦
希望大家喜歡啦！
2013-9-11 ～ 西芹炒鷄件 & 凍魚～
材料：西芹 ＄11.9 （分2餐）今餐用咗半棵 ＄6
鷄翼 ＄34 （分3餐）今餐食咗7隻 ＄12
蒜頭 ＄5 （大概可用2星期）
醃料：生抽，胡椒粉，糖
做法： 1. 先將鷄翼解凍，再一分為二
2. 瀝乾水份，再用醃料醃只少15分鐘（醃過夜也可）
3. 西芹洗淨，去絲切件，煲一煲滾水，略略飛水（方便之後快炒，不喜可略去）
4. 開鑊落少少油，（唔需要太多油因鷄翼會出油）煎香鷄翼7成熟，盛起即可
5. 蒜蓉落鑊加入西芹略炒，將鷄翼回鑊，落少許鹽炒熟即成
每次食潮州野都好鐘意食凍魚，但打冷鋪食有少少貴，所以決定自己整
行街市見到＄25有兩條即買啦.。。yeah
～凍魚食譜～
材料： 大眼雞 2條 ＄25
做法： 1. 買2條烏大眼雞魚 (記得叫魚販唔駛打鱗 ), 吾要魚腮魚腸
2. 返屋企清洗乾淨 , 放在碟上 , 係鑊煲一煲水 , 水沸後將碟上的魚放上 ,
大概 15 - 20 分鐘 ( 是視乎魚嘅大少而定 ) .
3. 將魚取出放涼 , 再用保鮮紙包好 , 放在雪櫃下層
4. 兩小時後 , 2條凍大眼雞魚便完成了.
＄43就足夠黃小太2口子嘅晩餐同黃小太隔日嘅lunch。。。健康又慳到錢
雖然唔係慳好多，但只少Mr.C唔駛食咁多味精野已經好好啦
藥理
-
西芹含有較多的膳食纖維，具有清胃、解熱、祛風、降血壓之功效。
歡迎跟我聊天及合作邀稿^^
關於美食,烹䚾,扮靚,無任歡迎
bubinatb@gmail.com
