8月23日。我家貓貓

暫宿10D9N..媽咪依日check out回娘家~好難得..

咁大個女可以再同家人一齊住~感覺良好..相處良好

可能人大左..凡事會更細心顧及對方~加上..貼心照顧媽咪

感覺佢事事都放心..待我處理~依幾日佢話見我實在太忙

傾開計..佢都不其然話~打理一頭家~真係唔易架(對! 真是囉)

* * * * * * * * * *

8月23日(星期一)~原本媽咪話自己返去~但見佢背囊咁重

同埋..最主要早年手術後無左幾組淋巴~唔可以揹/拎重野

我話送佢返去又話唔駛~唯有話掛住妹妹..順便返去探佢囉

朝早約埋爸爸飲茶~平時呢..佢會等我去到先點野食架

依日竟然全部佢點晒~仲要好多都係媽咪鐘意食既野

回程我有同媽咪講~咁耐無見爸爸..有無小別勝新婚(哈)

媽咪話..你老豆肯定無啦! 雖然爸爸平時唔會講出口

但睇行動就知~飲茶點既野食..都話係媽咪鐘意食架

飲完茶返去探妹妹~好耐無見啦! 依日返去曬ing太陽

唔係竇~可以摸下佢(好乖乖啊)






如果係竇..同佢玩完~起身果下我會好頭暈

正所謂..踎底起身見頭暈囉 @_@"





依日算乖啦! 任摸任影相





貓貓最鐘意人摸頸~妹妹舒服到伸長晒任摸





摸摸下..舒服到成個頭long係隻手指上面

個頭仔勁重..掃唔到條頸(哈哈)





有少少聲..又慌失失彈起八下





睇d人摸貓貓多~所以知道點樣係最舒服





越摸越放鬆





舒服到..瞓底任我摸(哈哈)





Baby笠叫我影佢個大籮pat..之後話唔夠大

依日乖呀! 無用pat pat duck住我..影唔到壯觀巨躉(哈哈)





摸完一輪..到媽咪搵妹妹~點知摸佢就走貓

爸爸話..妹妹好小器架! 去街夜少少返都好不爽





所以咁耐無見媽咪~摸下佢就即刻返竇

不過爸爸話..過一晚就無事架啦(哈哈)





估唔到依位方丈~對我算好啦(哈哈)

============================================

感謝 Yanomi 提供以上資料

Yanomi的網誌: http://yanomichung.blogspot.hk//

============================================