離開學校太耐，已經唔記得咩校規，大概都係請勿遲到早退，准時交功課，不可欺負同學，對老師有禮，考試不能作弊，其他真係唔記得，因為那時沒有手冊（有都唔會睇），根本唔知詳細校規。
但係最近經某個人一提，原來校規中有一條係唔准講粗口，至於講粗口後果係點，因為無講過或無被老師捉過，所以根本唔知是何後果。
出來做事之後，一間機構有何規矩，除非從事紀律部隊或一些機密工作，否則大致上都與校規大同小異，同樣請勿遲到早退，遲到可扣勤功早退當請假，工作要准時，至於欺負別人，如果得上司同意（即埋堆）都可以做，作弊當然不許可，分分鐘被拉。
講到粗口，原來出到社會上工作係可以講嘅，不過犯唔犯法係睇有無人告，所以話講粗口唔犯法絕對係錯。
校規規定在學校不能講粗口，當出來社會發覺係可以講粗口之時，學生不禁會問，為何要禁止講粗口呢？因為禁都無用，今日在學校唔講，難保他朝在街外大講特講，學校內不准講粗口，不過為了保持耳根稍為清靜而已。
還有，校規規定不准講粗口，而學生一離開學校踏足社會，立刻三句不離粗口，除了證明學校教育失敗之外，想不到其他。
============================================
感謝 MK110 提供以上資料
MK110的網誌: http://mk110.blogspot.hk/
============================================
