話說結婚前一直為姊妹團頭痛，到底要搵邊位好姊妹呢？？
我又唔想麻煩外國嘅朋友仔特意返HK為我同Mr.C婚禮勞碌，大家都有工要返，有小朋友要照顧麻
就係我好頭痛嘅時候，好姊妹Miss.K好sweet咁送咗一份禮物俾我。。。
哈哈，就係做我當日嘅姊妹。。。我終於可以瞓覺好啦！
其實我一直都想Miss.K做我嘅姊妹架，可惜當時Miss.K同Mr.C嘅好兄弟Mr.T有感情上嘅小問題令我地唔好意思開口
以家有佢幫我，我真係可以1萬個放心啊
謝謝你啊，甜心
好啦，講返今次正題先。。姊妹聚@川醇
川醇係一間日式串燒 Bar & Restaurant，新開無耐㗎
食物方面可以俾8.5分, 有d特色
環境方面可以俾9分，鋪頭細細嘅佢有室內同室外架
staff方面可以俾9分, 個個都好nice架
價錢方面就有少少貴啦....因為每樣野都好的骰....連我地3個女仔都唔係好食野,齋傾計多都食咗成千蚊啊^^
![]( "image-3")
由上至下,左至右:
一口甘薯: 無乜特別, 大概有一隻手指尾咁長
腐皮鳥冬: 湯底好清, 但烏冬有d淋, 如果可以再煙un d就好啦
巨峰堤黑豚肉: 值得一試, 聽落成好奇怪,但又出奇地夾喔, 燒完之後提子好甜, 夾埋d豬肉香, 正啊
梅子茶漬飯: 茶漬飯好似我地食嘅潮洲粥，我地一碗唔夠分仲叫多咗碗添
蝦膠釀鮮淮山片: 一樣好特別嘅小食, 原來鮮淮山片可以咁好食㗎
![]( "image-2")
炸一口芝士: 好食,熱辣辣, 咬開d cheese流心架
燒明太子飯團: 外脆內軟, ok好食
燒鯖魚: 普普通通
黑豚露筍卷: 賣相麻麻地,但好食
燒腐皮溫泉玉子: 最特別係佢啦....必食
燒元貝: 好大隻, 又香又唔un....值得一試
當晚我地3個口水橫飛, 談天說地
果然全女班嘅約會係好盡興啊![]( "(tongue)")
