[慶生] 小溫太同月同日好姐妹慶祝生日 (外加三小朋友聚會)

[慶生] 小溫太同月同日好姐妹慶祝生日 (外加三小朋友聚會) 31 Aug, 2016
太耐無更新我個寶貝既近況，第時睇唔返會後悔呢加唔努力寫。。。淳淳最近肥肥白白，已～五個半月喇。。。每日見到淳淳不停地成長，有點害怕時間過得太快。每日都過得好快。夜深時間全間屋企靜哂可以快快手打一篇，最緊既我忙於掛泵，餵人奶不易，掛泵都唔容易。。。真係有血有眼淚。。。有飲過人奶既唔該好好孝順你阿娘，個老婆有餵過人奶既唔該好好錫個老婆，有時痛起上黎，真係好慘慘。。。講呢尐真係有排講。。。
話說我地好耐好耐無一齊開開心心咁坐埋一齊慶祝喇！以前我地係公司年年都一齊過生日架嘛，今年多埋穎穎，已經唔再係我地兩個人一齊過，以後都係一齊慶祝三個人生日～哈哈！一年大細帶埋細佬唔容易呀，不過我鍾意，我有咩都帶埋個仔，樣樣佢都有份參與架。。。雖然帶淳淳出黎會辛苦少少，但最緊要佢係度就足夠啦！穎穎同其其知道淳淳係度好開心呀。。。仲傻豬豬到以為去淳淳屋企。。。今次出街食住飯先，下次再黎姨姨度玩啦！



時間有限拿拿聲叫定野食先，我地去左Ｓｉｍｐｌｙｌｉｆｅ呀。。。只要早到就有位。。早食早享受！一坐低叫齊野食先。。。最鍾意呢度既西湯。。。知道係南瓜湯好開心。蕃茄湯我會有點酸（因為真係好酸，所以好驚蕃茄湯出現）


淳淳好奇大家食乜野。最近淳淳已經知道食係咩一回事，我都開始俾米糊佢食。不過佢唔多喜歡，唯有繼續再試試啦！


兩隻乖乖寶貝～姨姨錫～真係好乖～ 


自己搽牛油，乜都要自己黎。。。哈哈 


家姐飲湯。。。ｙｕｍｍｙ


好正呀個意粉～ 


大人食牛扒！正！小朋友食薯條～哈 


淳淳：你地又開始食乜野呀。。。。 


淳淳對眼已經落左係塊牛扒身上。。。哈哈 兩位寶貝影相好合作～係淳大爺貪吃樣上身。。。好可愛 


真係乖。自己食。


我地自拍下啦。。。因為要俾姐姐食野先呀！因為呢間餐廳無ｂａｂｙｃｈａｉｒ，我地又貪方便唔帶車，哈哈～所以就要輪抱式咁抱住淳淳。。。不過媽媽唔介意抱住你食～


咩事望到斗雞眼。。。 


小朋友最鍾意。。。原來係自拍。。。我終於了解 


大家都食飽飽喇。。。可以上甜品啦！嘩嘩嘩。。。好靚靚既甜品蛋糕呀！


 祝穎穎。玉琪。同埋我。。。生日快樂。永遠開心快樂、身體健康。


穎穎又大一歲，姨姨又老一歲 


兩姐妹影張相先 


三母女開心合照 


到我地一家合照。。哈哈哈。。輪住影。。淳淳剛訓醒～～


家姐許願。。。妹妹笑咪咪又許先



好鍾意呢張呀。。其其笑得好甜


ＹＥＡＨ！大家都要快樂！真係好簡單，只要正面，咩都有可能！短短既時間我同玉琪不停地照顧旁邊兩隻寶貝。。。我個隻有老公同姐姐幫手睇住。。哈哈哈～所以我地兩個係無時間狂傾計。。。傾唔夠喉所以下次要大人聚會。。。細佬返屋企食奶～唔準跟住黎。。哈哈哈！！！


今晚真係好開心架姐。。。


其實影緊我同老公，淳淳係佈景。。哈哈


淳淳：我等緊人呀。。。


無時停。。。唔知咩事咁興奮，狂叫然後雙腳狂郁。。。好彩係爸爸手上。。哈


咩事呢？小圓球～媽咪錫～


小圓球有心事～想食奶奶訓覺覺。。。


終於等到成班女去完廁所啦～哈哈～玉琪抱抱小圓球


好可愛呀～ＤＯ。ＲＡ。ＭＥ。


依依不捨咁講再見。。。聽日開學喇。。開心咁返學好好享受學習。加油呀寶貝們～我地又要再約過喇！

感謝 仙蒂小溫太 提供以上資料

個人日誌: http://cindylittlemrswan.blogspot.hk/