～手痕口痕之作燒肉～ 附食譜
今日諗住返娘家諗住陪靚太媽咪食晏，點知買好哂餸，佢打返嚟話約咗人食晏
咁無辦法，為由我同姐姐自己食啦，得2個人食得清淡d
食完見無聊，諗起成日想整燒肉，好啦就不如試下整，叫姐姐即刻落街市買一大舊五花腩返嚟
經過5個鐘後，新鮮熱辣辣嘅自家燒肉出爐啦
keep fit中嘅靚太媽咪仲食唔停口添，睇怕你有排減呢
今晚攞咗一半返Mr.C屋企加餸，＄70蚊可以消磨一個下午，仲可以夠2家人食，好抵啊
![]( "image-2")
材料 :
五花腩肉 ，粗鹽 1斤左右
調味料 :
紹興酒 1/2 tbsp （搽酒先), 幼鹽 1 tsp , 糖 1/8 tsp , 雞粉 1/4 tsp
沙薑粉 1/4 tsp , 五香粉 1/8 tsp
製 法 :
1). 五花腩肉留皮, 先清理在表皮毛, 用水洗淨, 再將五花腩放入滾水內煲大約 8-10分鐘至五成熟, 然後取出過冷河.
2). 五花腩待涼後抹乾水, 用豬插或鐵釘在表面刺鬆後, 將調味料塗上, 一定要搽酒先, 其他材料拌勻後再平均搽 上.
3). 將五花腩吊起吹乾最少 2-3小時.
4). 用錫紙將五花腩肉包實, 留下豬皮部份不用包. 錫紙嘅高度最好高過五花腩肉1吋. 錫紙與腩肉中間唔可以有空隙.
5). 包實腩肉, 在腩肉皮上面舖上大概1吋厚的粗鹽, 將鹽輕輕壓實, 表皮每一處地方都要用鹽覆蓋同唔可以俾錫紙遮住.
6). 將包實嘅五花腩小心放入巳預熱15 分鐘 (230度) 的焗爐內, 先焗 50 分鐘.
7). 再將腩肉表面的鹽拎走, 再將燒肉放回入焗爐內, 用210 度烤 20-25 分鐘. 烤至豬皮鬆脆.
8). 等燒肉攤涼之後斬件上碟.
