8 唔太油

今日(25-6-2016 Sat)突然想食齋,無意中發現呢間有任飲任食,等老公放工後就一齊o黎食.

我o地o黎到唔係好多人,或者因為係2點啦,我o地先order o野,我叫o左:

1. 紅燒雞絲翅
眼見有好多料,

而且大部份都係菇菌類,食落,有驚喜,好夠味,完全唔使加醋食.
味道: 5分

2. 菠蘿咕嚕肉
個樣好似,顏色亦好靚,

食落,可惜咕嚕肉唔脆,酸甜味亦差一皮,最奇怪竟然連菠蘿都怪怪地.
味道: 1分

3. 蘿蔔糕
煎得好靚,見到有紅蘿蔔同木耳,好喇,夾o黎食,佢唔會一夾即散.食落,好熱呀!o岩o岩煎起,蘿蔔味道好足,鹹淡適中,完全冇諗過要蘸任何醬食,口感又o岩o岩好,好味.
味道: 5分

4. 春卷
顏色亦好靚,身型肥啲,好可愛. 食落,皮又薄又脆,又冇多餘油脂,見到內裡o既餡有紅蘿蔔同唔知咩o野,我估係冬瓜.

而其實佢o既味道係清,我蘸五柳素鮮班o既甜酸醬食.

味道: 3.5分

5. 點心齋鹵味
原本只想要酸甜齋,樓面問我只要一種?我問老公,咁不如要晒咁多種.於是俾晒5種我o地.



咖哩齋味道溫和,酸甜齋酸味較重但正常.而各種齋o既口感都係正常冇問題.
而我就最鍾意齋叉燒o既口感.
味道: 3分

6. 五柳素鮮班

同樣炸得唔油膩同幾好,芋蓉夠粉,味道亦清淡.

味道: 3分

7. 凍豆漿
由於都食到熱熱地,於是叫豆漿飲,豆漿唔係好凍,味道甜o左啲.
味道: 2分

8. 西汁酥香鴨

呢個係腐竹o黎,佢唔係卷到好實,鬆鬆地,個人覺得口感唔錯.而西檸汁酸甜度又o岩o岩好,好o岩我,好味.
味道: 4分

9. 脆皮蜜瓜奶

好彩睇menu,唔係唔知有呢個咁特別o既o野.呢個已經凍o左,但外面仍脆,內裡o既蜜瓜奶味道唔太甜,清清地,所以我都蘸砂糖食.

味道: 4.5分

10. 支竹炆鰻魚

鰻魚係紫菜卷扮,老公話幾似.食落,紫菜味搶晒,我就唔多鍾意,反而鍾意係支竹,因佢夠腍.呢個係鹹食,我就覺得冇之前o既食物咁好食.
味道: 3分

服務:
我o地入到去唔太多人,有幾張枱冇人o既,樓面都叫我o地搭枱,但個位比較窄,所以我拒絕,佢都OK,俾我o地坐另一張冇人o既四人枱,不過我o地仍各自攬住個袋食,因都預佢o地俾人搭枱,但又唔係,佢o地收走剩餘o既兩套餐具,重主動叫我老公將背嚢放o係另一張凳o度.
而開頭冷氣唔算好夠,之後有客人(應該係熟客)入o黎,樓面問係咪好熱?佢答係.咁冷氣就開大o左我就覺得太凍,不過冇出聲.之後再有客人o黎,我覺得佢o地覺得凍,於是職員又將冷氣較細返.
而我叫兩杯豆漿,上菜o個位亞姐真攪笑,將兩杯豆漿放晒o係我o個邊(兩個人叫兩杯豆漿,梗係一人一杯啦),都算,問題係冇位,重要睇住我對筷子o係o度,擺落去,攪咩?
樓面會密密收碟,OK o既.

================================

感謝 愛食 提供以上資料

愛食的網誌: http://www.openrice.com/zh/gourmet/reviews.htm?userid=46226&city=hongkong

================================