21-5-2016 (Sat)朝,老公好攰未起身,咁我去買早餐啦,我一早諗定o黎呢間買,因為前一日收到佢o既特價宣傳單張,同老公研究o左食咩至去買.
我o地決定買$12.00o既豬軟骨排骨粥,$12.00o既腸粉套餐,有腸粉4條同燒賣6粒.同$13.00一個o既糯米雞.
我落到去,見有兩個客等雞蛋仔,又見到有糯米糍,有芒果奶黃味.於是心郁郁想要埋呢兩樣.
店入面有兩個亞姐,一個負責整雞蛋仔,一個o係入面,我先叫o左我要o既早餐,再拎個芒果奶黃糯米糍.
叫o左之後,入面o個個亞姐拎個糯米雞出o黎,同我講凍o架,返去要蒸返熱食,因為佢o地蒸唔切.
算吧啦,之後佢舀o左碗豬軟骨排骨粥,計埋芒果奶黃糯米糍,佢口中唸,13,13,4,30.00.就收我$30.00.(依家睇返張宣傳單,佢收多我$1.00.)
我o係o度等其他o野,發覺佢o地好似冇再理我,唔對路,佢o地聽唔到我要腸粉套餐,於是再叫,同加個$13.00o既香芋雞蛋仔.咁佢o地又夾手夾腳整俾我,佢o地會自動問要唔要豉油,麻醬,我答要,但唔要甜醬,辣醬就分開.佢都自動加麻油,辣醬就俾一包包我.
而雞蛋仔呢,我聽到佢o地o既計時器響,個亞姐就行返去整,俾個大袋我裝埋啲o野.
終於齊晒返到屋企,影埋相,第一件事就係食香芋雞蛋仔同將個糥米雞蒸熱.
但睇到個香芋雞蛋仔,99.9%燶,
![]()
![]()
![]()
而且凍o既,有冇攪錯?我後悔當時冇睇實.如果有,我一定唔要呢底
.我同老公夾硬食,只食到苦味,內裡o既香芋餡呢?
![]()
完全食唔出個味道
.
味道: 0分
然後我食豬軟骨排骨粥,成碗只有兩大兩細o既排骨,
![]()
豬軟骨欠奉
,食落,係冇油,但只有薑味,自己加豉油食就好啲.
味道: 0.2分
而老公至愛o既腸粉同燒賣呢?
![]()
好彩麻醬都叫做夠多,口感其實都冇乜問題.
而辣醬就只有老公食,佢睇到顏色麻麻,話應該唔好食,但食o左佢話都幾辣.
![]()
最後到糯米雞,大大隻,好吸引咁,
![]()
![]()
打開先,見到有一隻雞中翼,臘腸同啲啲冬菇絲,
![]()
雞中翼同臘腸我都唔食得,俾晒老公食.
而成個糯米雞就只得薑味,至於豬肉,我覺得佢o係將類似肉鬆o既o野舖o係糯米o度,呢個同樣係難食.
味道: 0.2分
至於芒果奶黃糯米糍,其實我係買俾爸爸食,佢第二日至食,我冇問佢覺得點,但佢好似有講一聲唔好食.
服務:
人客唔多但兩個亞姐都好亂,一個要同另一個講特價….咩咩幾錢.最初收多我錢,但之後”加單”就收少我$1.00,最後即係冇多冇少,真攪o野.
但其實我一開頭係講晒我要o既o野,但佢o地只聽到豬軟骨排骨粥同糯米雞,真無奈.
呢個食評唔計芒果奶黃糯米糍,抵食係1.67分
================================
感謝 愛食 提供以上資料
愛食的網誌: http://www.openrice.com/zh/gourmet/reviews.htm?userid=46226&city=hongkong
================================
