【2016韓國紅葉攻略 – 韓國近郊地區追楓懶人包】

由 TravelFever 於 2016-09-14 00:00:00 發表 | 累積瀏覽 659

分類：

繼上一篇為大家介紹左一系列o既首爾紅葉景點之後，當然唔少得介紹埋韓國其他o既近郊紅葉景點啦!!! 今年由10月下旬開始，韓國各地紅葉、楓樹陸續染色，首先會係位置較北o既雪嶽山，然後一路向南移到釜山。近郊地區o既紅葉當然比起市中心o既紅葉分佈得更廣、更茂密啦! 喺市區未必見到嘅一片紅葉山林，又唔可以坐住纜車穿越紅葉的山嶺，但國家公園級數的天然秋色都可以一一滿足到你!!以下為大家繼續介紹韓國近郊的正點!

今天的紅葉期比起往年提早左少少，由10月頭開始已經逐漸變色

景點1: 雪嶽山國立公園

설악산국립공원

(相片轉載自網絡)

縣: 江原道

距離首爾: 3 小時車程

預測全盛期: 20.10.2016 (賞楓期為全盛期前10天及往後10天)

楓葉種類: 紅葉楓葉

特色: 雪嶽山位於韓國最高海拔1708米的自然公園，係每年韓國最先睇到紅葉嘅地方，你可以乘坐纜車觀光，唔洗點行都可以睇曬成個雪嶽山景緻。亦可以選擇沿溪谷徒步、感受一下岩石峭壁的絕美景色。雪嶽山的入口共有四個，其中束草市的神興寺最出名。附近有圍數唔少嘅飯店、旅館、民宿等等嘅設施，部份景點好似動植物等展示、體驗館等…都可以免費參觀。好多外國人都會黎到登山，秋天可以去賞丹楓，冬天可以去賞白雪，一年四季景色怡人，雪嶽山每年吸引300多萬遊客。

難度等級: ★★(熱門賞楓位置)

開放時間: 全年無休

地址: 江原道束草市雪嶽洞43-1

位置: https://goo.gl/maps/7eGjmw92JoL2

前往方法: 巴士 - 東首爾綜合巴士客運站到束草市外巴士客運站，搭乘7號市區公車到「雪嶽山小公園停靠站」落車，步行5分鐘

收費: 3500won/ 成人；500won/兒童

纜車往返8500won/成人

附近設施: 雪嶽纜車，新興寺，大青峰；千佛洞溪谷

注意事項:

※纜車秋季開放時間: 8:30am - 5:00pm

※如要前往山上較高位置山路較為崎嶇，上山前請帶同裝備，並評估自己身體狀況

景點2: 春川衣岩湖

의암호 스카이워크

(相片轉載自網絡)

縣: 江原道

城市: 春川市

距離首爾/釜山: 1.75 小時

預測全盛期: 24.10.2016 (賞楓期為全盛期前10天及往後10天)

楓葉種類: 銀杏、楓葉

特色: Skywalk係春川市衣岩湖的新景點近年備受矚目，位於單車路的中央，既係靚景的展望台，又係影相天堂。Skywalk係個離水面12米的圓形平臺，佢最大的特色係地板同欄杆都係是透明玻璃。行o係上面，你都咪話唔驚，真係會覺得隨時會跌落水。當然呢度嘅紅葉亦係一絕啦!

難度等級: ★

開放時間: 3月~11月 / 09:00~18:00

地址: 江原道春川市漆田洞486

https://goo.gl/maps/KGXdUhcasZp

前往方法: 由南春川站坐的士約13分鐘

附近設施: 三岳山、划艇水道(春川) 물레길(춘천)

注意事項:

※ 冬季及雨天時可能暫停開放

※步入skywalk 必須除鞋，赤腳行走

景點3: 南怡島

남이섬

(相片轉載自網絡)

縣: 江原道

城市: 春川

距離首爾: 1.5小時車程

預測全盛期: 24.10.2016 (賞楓期為全盛期前10天及往後10天)

楓葉種類: 銀杏、楓葉

特色: 秋天的南怡島特別美，係眾多韓劇都會取景既地方，整條樹蔭大道都染上左橙紅色，吸引唔少嘅人黎到影婚照，裡面有銀杏樹步行徑，你可以o係島上面踩單車、野餐，當然睇紅葉、影相更係一大重點啦!平均每年有150萬人次造訪南怡島。

難度等級: ★

開放時間: 全年無休

地址: 江原道春川市南山面南怡島街

https://goo.gl/maps/EnNnKkZvUgy

前往方法: 首爾地鐵京春線加平站出口後，可選擇搭乘計程車或循環公車到南怡島渡口，在搭乘渡輪就可以抵達南怡島

收費: 渡輪和南怡島入場費8,000won

附近設施: 高空飛索、單車租用、電動車、環島快艇、餐廳、咖啡店、茶館、禮品店

注意事項:

※島內禁止所有車輛出入、戶外生火及紮營

www.travelfever.com.hk/tourdetails-210-韓國小王子村Rail%20Bike南怡島一日團(金裕貞線)

www.travelfever.com.hk/tourdetails-506-韓國南怡島+小法國村+(九曲瀑布或金裕貞線Rail%20Bike)一天團

景點4: 楊平龍門山Railbike

양평레일바이크

(相片轉載自網絡)

縣: 京畿道

城市: 楊平

距離首爾/釜山: 首爾/1.5小時車程

預測全盛期: 27.10.2016 (賞楓期為全盛期前10天及往後10天)

楓葉種類: 紅葉、銀杏、各種楓葉

特色: 楊平鐵路railbike總長3.2km，時速15km，係有山有水、空氣清新、同山河合一的鐵道自行車路線。

秋天則能欣賞韓國名山龍門山形形色色的楓葉，冬天則可以體驗耀眼的白色雪花。

難度等級: ★★

開放時間: 全年無休

地址: 京畿道楊平郡龍門面三星裡126-5

https://goo.gl/maps/EYzmHE9g1gr

前往方法:

地鐵 - 中央線龍門站下車，徒步(需約10分鐘左右)或搭乘計程車

火車 - 經清涼裡站到龍門站下車，徒步(需約10分鐘左右)或搭乘計程車

市外巴士 - 上鳳/東首爾客運站，搭乘往龍門方向巴士(龍門客運站下車)，徒步(需約15分鐘左右)或搭乘計程車

收費: 租用railbike - 32,000won/4人; 25,000won/2人 ;30,000won/2人座電動車

附近設施: 龍門山旅遊園區、野花樹木園、淡水魚生態學習館、昆蟲博物館

景點5: 周王山國立公園

주왕산국립공원

(相片轉載自網絡)

縣: 慶尚北道

城市: 上宜

距離首爾: 4.5小時車程

預測全盛期: 2.11.2016 (賞楓期為全盛期前10天及往後10天)

楓葉種類: 紅葉、銀杏

特色: 周王山國立公園是位於韓國國立公園中是規模最小的，到處都係奇形怪石，山勢較緩，上山比一般登山路徑輕鬆，所有景點都容易踏足。著名景點包括達基藥水池、周王山瀑布、寺谷溪谷，一到秋天滿山楓葉美不勝收。

難度等級: ★★

開放時間: 山上有不少奇岩怪石群&瀑布

注山池湖水反映佈滿楓葉的山脈是攝影熱點

地址: 慶尚北道青松郡府東面公園街169-7 (府東面)

https://goo.gl/maps/p5nrxshJ15Q2

前往方法: 巴士 - 青松邑內往「周王山站」與「達基藥水池站」的市區巴士

收費: 2800won/成人

附近設施: 紫霞城、大典寺文化財產、青松民俗博物館

景點6: 慶州統一殿前銀杏樹大道

통일전 은행나무 신작로

(相片轉載自網絡)

縣: 慶尚北道

城市: 慶州市

距離首爾/釜山: 釜山/ 1.5 小時車程

預測全盛期: 2.11.2016 (賞楓期為全盛期前10天及往後10天)

楓葉種類: 銀杏

特色: 慶州統一殿前銀杏樹大道, 長約兩公里，係條行車大道，銀杏樹大道兩邊都係田地, 一望無際、視野極廣, 道旁的銀杏樹會在秋天變做橙黃色。雖然車唔多，但影相o既時候都記要小心有車。

難度等級: ★

開放時間: 全開放地區

地址: 慶尚北道慶州統一殿

https://goo.gl/maps/LXezvGKrkrv

前往方法: 巴士 - 由慶州火車站乘搭10或11號公車在統一殿

收費: 公眾開放地區

附近設施: 世界遺產統一殿

景點7: 慶州佛國寺

불국사

(相片轉載自網絡)

縣: 慶尚北道

城市: 慶州市

距離首爾/釜山: 釜山/ 2小時內

預測全盛期: 2.11.2016 (賞楓期為全盛期前10天及往後10天)

楓葉種類: 紅葉、楓樹

特色: 佛國寺1995年連同石窟庵被列入成為世界遺產，每年紅葉的季節都份外觸目，佛國寺面積好大，建築格局分為兩個大區，其中一區以大雄殿為中心，有青雲橋、白雲橋、紫霞門、多寶塔、釋迦塔、無說殿...等，另外一區以極樂殿為中心，有七寶橋、蓮華橋、安陽門..

難度等級: ★

開放時間: 全年無休

07:00~17:00

地址: 廣尚北道慶州市佛國路385號/경상북도 경주시 불국로 385 (진현동)

https://goo.gl/maps/QkYP4mZV3RA2

前往方法: 在慶州高速巴士站乘坐10號或11號或700號公車到佛國寺停車場下車

收費: 5000won/成人；3500won/青年；2500won/ 小童，10人以下免費入場

附近設施: 石窟庵、統一殿

景點8: 梵魚寺

범어사

(相片轉載自網絡)

縣: 慶尚南道

城市: 釜山

距離首爾/釜山: 釜山/約1小時車程

預測全盛期: 6.11.2016 (賞楓期為全盛期前10天及往後10天)

楓葉種類: 銀杏、紅葉

特色: 被列為釜山十大勝景之一的梵魚寺，已經有1300年歷史o既梵魚寺又係一個賞楓秘景，進入寺廟要穿過三度門，分別是曹溪門，天王門，不二門。在大雄寶殿前的泥巴石牆配合瓦片頂，讓你彷似置身千年前的感覺，仲有七層石塔配襯埋紅葉嘅點綴，好有文藝嘅感覺。

難度等級: ★

開放時間: 08:30~17:30

地址: 釜山廣域市金井區梵魚寺路250 (青龍洞)

https://goo.gl/maps/x52D5ZKoWrE2

前往方法: 釜山地鐵1號線梵魚寺站5、7號出口方向，沿著兩個出口之間的路往上徒步約5分鐘,

收費: 免費

附近設施: 釜山大學商圈、西面站周邊，金井山城北門

注意事項: 建議購買1日地鐵通票，價錢不到3,500 won

景點9: 智異山國家公園

지리산국립공원

(相片轉載自網絡)

縣: 全羅南道

距離首爾/釜山: 首爾/3 小時車程

預測全盛期: 6.11.2016 (賞楓期為全盛期前10天及往後10天)

楓葉種類: 丹楓紅葉、各種楓葉、銀杏

特色: 智異山國家公園係南韓最大的國家公園，韓國八景之一，山嶽連綿，係未受污染的大自然，蘊藏住好多其他地方都睇唔到嘅神奇景致。每年賞楓季節都會舉辦稗牙穀楓葉節、民俗公演、楓葉攝影大賽...等慶祝活動。

有幾間著名佛寺：華嚴寺、天恩寺、燕穀寺等。智異山亦被喻為「南韓三大神山」之一!

難度等級: ★★(熱門賞楓位置)

開放時間: 全年無休

地址: 全羅南道求禮郡馬山面黃田裡511-1

https://goo.gl/maps/DnS6Psr2nsD2

前往方法: 於禮區火車站行到禮邑總站的巴士，乘坐前往燕穀寺或稗牙穀的巴士

收費: 1600won/ 成人；600won/青年；300won/兒童

附近設施: 順天影視城，泰安寺、雙溪寺

注意事項:

※部份特別保護區不開放予公眾參觀

※若沒有同伴、專家隨行的話，登上智異山山頂是存有危險性的，上山前請帶同裝備，並評估自己身體狀況

景點10: 內藏山國家公園

내장산국립공원

(相片轉載自網絡)

縣: 全羅北道

城市: 井邑市

距離首爾/釜山: 首爾/3小時車程

預測全盛期: 9.11.2016 (賞楓期為全盛期前10天及往後10天)

楓葉種類: 紅葉、銀杏、各種楓葉

特色: 紅楓集中o係連綿2.3公里長的紅葉徑，沿路有山有水，小溪丘谷，係韓國最出名睇紅葉嘅景色之一，亦被稱全韓國第一楓葉山，你可以乘坐纜車觀光，裡面嘅紅葉景觀有紅葉隧道與道德瀑布形成「丹楓祕境」、「丹楓隧道」公園入面有約760種的原生植物與森林、一年四季都有各種野花綻放。

難度等級: ★★(熱門賞楓位置)

開放時間: 全年無休

地址: 全羅北道井邑市內藏洞、全羅南道長城郡北下麵白羊路

https://goo.gl/maps/MU3r2d29YM42

前往方法: 巴士 - Centralcity客運站或東首爾客運站到井邑巴士客運站轉乘市內巴士171號，內藏車站落車 (全程約3.5小時)

收費: 公園入場費用

附近設施: 登山纜車、內藏寺、白羊寺

注意事項: ※避免海量人流，可以選擇平日前往

※部份特別保護區不開放予公眾參觀

※如要前往山上較高位置山路較為崎嶇，上山前請帶同裝備，並評估自己身體狀況

www.travelfever.com.hk/tourdetails-198-韓國紅葉賞楓2016-內藏山一日遊

景點11: 禪雲山道立公園

선운산도립공원

(相片轉載自網絡)

縣: 全羅北道

城市: 高敞

距離首爾:3 小時車程

預測全盛期: 9.11.2016 (賞楓期為全盛期前10天及往後10天)

楓葉種類: 紅葉、銀杏、雀舌茶葉

特色: 禪雲山係睇紅葉嘅秘景!!禪雲即意味著雲中參禪，亦係高敞地區的旅遊和文化名勝，有楓葉徑、小橋溪穀、崖壁，登山路上面亦有唔少小食攤擋，經典韓劇《大長今》取景地。呢度山茶樹和相思花都相當有名! 原來禪雲山自古已經係種茶勝地，走入古廟，後院就有一大片山茶園，一共有三千株茶樹，聽講呢度嘅茶樹樹齡平均達五百年，仲有1500 年歷史的彈雲寺。

難度等級: ★

開放時間: 全年無休

地址: 全羅北道高敞郡雅山面禪雲寺路250

https://goo.gl/maps/Vesdyfec7om

前往方法: 巴士 - 高敞市外巴士客運站乘高速巴士到「禪雲寺站」落車，車程約30分鐘

收費: 3,000won/成人；2,000won/青年；1,000won/兒童

附近設施: 餐飲店、紀念品店、茶店

注意事項:

※部份特別保護區不開放予公眾

※封山期為2月15日~4月15日；11月15日~12月15日

景點12: 潭陽水杉林蔭道

담양 메타세쿼이아 가로수길

(相片轉載自網絡)

縣: 全羅南道

城市: 潭陽

距離首爾: 約4小時車程

預測全盛期: 9.11.2016 (賞楓期為全盛期前10天及往後10天)

楓葉種類: 紅葉、水衫樹

特色: 獨具異國風情的最美道路，曾被選為韓國最美麗的街道，是韓國綜藝節目《兩天一夜》、電影《戀愛素描》的拍攝地點，跟南怡島的林蔭道有點相似

難度等級: ★

開放時間: 全年無休

地址: 全羅南道潭陽郡潭陽邑鶴洞裡 578-4

https://goo.gl/maps/DemapcMhj4B2

前往方法: 巴士 - 首爾高速巴士到潭陽巴士客運站下車(約需3小時45分鐘)，徒行約5分鐘，竹綠苑旁

巴士 - 潭陽客運站乘農漁村10-1號公車於Gipeunsil下車(約需14分鐘) ，徒步約2分鐘

收費: 免費

附近設施: 潭陽，元曉溪谷

景點13: 漢拏山國家公園(世界自然遺產)

한라산국립공원

(相片轉載自網絡)

縣: 濟州島

距離濟州: 1 小時內

預測全盛期: 3.11.2016 (賞楓期為全盛期前10天及往後10天)

楓葉種類: 紅葉楓葉、紫芒花

特色: 漢拏山國家公園內有南韓最高的休眠火山、濟州最高峰，亦是濟州10大景觀之一，裡面有多條著名登山路徑漢拏山紅葉好似火焰咁蔓延，夾雜金黃的銀杏，色彩斑斕!山上面有1800多種火山植物及奇峰異石, 更被列入世界自然遺產。靈室登山路線是最受歡迎、兩個多小時的路程，是平日許多登山客想要征服的高山，沿途景色壯麗。

難度等級: ★★★

開放時間: 全年無休

跟據氣候，部份登山路線會受到管制

詳情請參閱: http://www.hallasan.go.kr/chineseb/content.php?page=020104

地址: 濟州濟州市海安洞

https://goo.gl/maps/4VMsZMHFGtJ2

前往方法: 由濟州市外巴士站出發，乘坐往城板岳方向的公車，在御里牧入口/城板岳入口下車

收費: 1600won/成人；600won/青年；300won/ 小童

注意事項: 如要登頂，最遲上山時間為12:30pm ，過了這時間就不可上山

============================================

感謝 TravelFever 提供以上資料

TravelFever的網誌: http://travelfever.mysinablog.com/