Hello !
今日係農曆八月十五中秋節 , 首先祝大家中秋節快樂 ,
人月兩團圓 , 跟住就入正題 , 上篇網誌講到買齊所有配件砌電腦 ,
過程大至上順利 , (砌機流程下篇先至講) , 唯獨係張Graphics Card ,
正式係差D俾佢玩殘 , 好彩最終都攪得佢掂 . ^_^ !!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
話說砌好部機之後 , 裝好個window 10 , 跟住番D軟件落去 ,
首先係裝底板軟件 , 好快就OK , 輪到Graphics Card ,
搵勻個盒都唔見有安裝光碟 , 起初以為佢入漏左 ,
之後上Youtube睇佢產品介紹 , 裡面都係冇安裝光碟 ,
原來個軟件要在網上Download , 呢樣都係小問題 ,
就當佢公司環保 , 連安裝光碟都慳番 . XD
上到佢公司( Zotac )既網頁 , 搵番 GTX 1060 AMP EDITION ,
Download 佢落黎安裝 , 安裝過程中 , 次次都係話 :
圖形驅動程式與這個windows版本不相容 .
![]()
點會咁架 ? 裝唔到個驅動程式 , 雖然都可以使用 , 不過咁就冇意思啦 .
試過在網上尋找偏方 , 睇下有冇人有同樣經驗 ,
都搵到好幾個所謂解決方案 , 方案包括有 : 在Bios關掉內置顯示 ~
安裝最新版本 JAVA ~ 與及入去 裝置管理員 裡面刪除舊有程式 ...
結果通通都有唔得 , 依然係彈出果句 : 圖形驅動程式與這個windows版本不相容 .
真係激死人 , 唔通張Graphics Card係壞咭 ?
我諗應該唔會掛 , 依家既電腦產品 , 除非真係地獄黑仔王 ,
否則買到次貨既機會唔係咁高 , 而每晚我只係得幾小時解迷 ,
所以都俾佢拖左好幾日 , 直至到搵到呢個網頁 :
https://forums.geforce.com.tw/viewtopic.php?f=5&t=732
裡面話要將個Window 10 , 更新至最Update既版本先至OK ,
於是乎用裡面個 Window Update 搵最新版本黎安裝 ,
點知次次Load到一半都話更新失敗 , 真係廢到唔廢 . >_< !!
最後要上Microsoft 個官方網頁裡面直接更新 , 過程都唔係一帆風順 ,
都要試幾次先至可以更新得到 , 更新後版本叫做 1607 .
裡面已經有Graphics Card既驅動程式 , 不過唔係最新果隻 ,
跟住再上 Zotac 既網頁 , 再Load一次 , 今次搵最新版本 :
ZOTAC GeForce Graphic driver 372.70 for Win 10 64bits
呢次安裝過程非常之順利 , 冇晒阻滯 , 真係要Yeah出黎 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
最後想講 , 一張見得下人既 Graphics Card , 起碼都要2000--3000以上 ,
D廠商唔該攝張紙落個盒度 , 話俾人知要Window Update 到最新版本 ,
先至好安裝 , 唔係個個都係電腦高手黎架 , 好似我呢類低手 ,
差D就擰埋張咭去電腦舖度找晦氣 , 好彩自己都搵到解決方法 ,
如果真係攪唔掂要用番內置顯示 , 咁咪白白浪費左張咭 ?
Bye Bye !
禮拜日再講砌機過程 . ^^
感謝 Man Wai 提供以上資料
Man Wai的網誌: http://1226manwai.blogspot.hk/
