興趣班又要重組

升小一之後小齊o既興趣班同學校o既"課外活動"需要o黎一個大整合
呢個真係令人頭痛不已
有部份時間上要相就, 有部份要暫停
而我繼續風雨不改...我做書僮o既命運





小齊學校會安排小一新生學樂器 (piano is excluded), 
policy 係咁 --  如果你已學緊某一種樂器程度又ok, 
(過到 audition 為之ok)
就會派返果種樂器比你
而無學緊的話...就由學校分派咖啦
指派左比小齊o既樂器係 clarinet
呢個樂器其實係小齊自己 request (當然我有教佢要咁做啦!~)
o係學校上堂之前小齊都叫學左幾堂咁大把o既
揀呢種樂器無他, 合佢身型, 攜帶方便, 入門價親民, 3千幾蚊就有
(須知其他樂器入門價好多都係5位數起跳)
小齊剛剛在學校開始左第一堂樂器課
之後要練習囉~
正是: 
"要學管或弦, 一把辛酸淚,
都云老母痴, 樂器練左未?" 





畫畫係小齊一大興趣, 但因為同學校樂器班時間撞左, 只好暫定
遲d睇下有冇其他班合適再算
o係屋企亂畫住先啦~

至於日文班四年級將在十月開課, 暫時未知佢點
意思係唔知佢返完成日學再上日文班會點?
日文班形式應該無大改變, 最難得連同學都大致 keep到,
幾位同學升左小一都仲會一齊上日文, 實屬難得!
時間一樣係一星期兩天,
係星期二會辛苦d, 另一日係星期五, 落堂之後可以休息啦~
閒日只上日文班, 其他日子放學後我鼓勵小齊午睡一下
暫時九月開學左半個月, 佢都仲 keep 到每日午睡片刻補充精神
(好彩暫時都無咩功課! 可以一返黎就瞓~)



另外呢個烹飪班 (之前都出過文), 小齊 join 左 member 啦

唔係 REGULAR o既,

得閒就可以玩下咁,

次次都約埋朋友一齊去柴娃娃玩下,

一個月去一次整下蛋糕麵包咁啦, 好玩  






最後就係運動方面啦, 一向都知小齊不是運動健將型
平時郁都唔願郁, 去遊樂場都唔跑果隻,
所以興趣班我真係想佢運動下, 等佢郁多d 增高!!!
之前小齊有玩劍擊同游水, 
開學後考慮到時間分配就要二揀一囉



都順便紀錄一下, 小齊剛剛可以游到一個標準池直池啦!! 灑花~ ~
暑假時佢可以游橫池, 但有點唔夠氣未 ready 更長途
但剛剛個星期教練叫佢挑戰直池
由深水區開始游, 我都立此存照,
估唔到一次就成功!




呢個暑假小齊學識兩式, 對我o黎講係超額完成已經好滿意!
之後仲學唔學就睇佢自己啦~ 


等到 10月日文班都開課後會視乎功課量同小齊意見再諗諗興趣班安排
小學過左honeymoon之後我諗功課都會增加, 
遲d仲有測考默要開始用返多d時間溫習,
之外仲有reading time, playing time 要平衡
最慘又要好早瞓...時間好趕好趕呢~~
真係一家人都要重新調節作息去迎接小學生活!


是日靚衫: Burberry Children

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================