7 任性的一餐

韓式炸雞在港興起猶如日本拉麵多如繁星,要揀其實真係有點難度、
早時因友介紹認識Sodam chicken,晚市來吃過一趟感覺不錯、今日同朋友逛完街决意再訪,
剔走午市高峰期理應不用再等位。。。

食物如何揀其實都有點兒難度,蜜糖芥末、蜜糖芥末香蔥炸雞 、甜酸炸雞 、芝士白汁年糕 、海鮮薄餅 辣味炸雞 、香草炸雞、噴火炸雞、拌冷麵 ,有些少選擇困難人都會被冲炸得成頭煙,當然揀食都同寫文一樣精而簡,剔走沒有印象再將範圍收窄就更易落手、拿起餐牌原來加入了一些新攪作那就不妨一試
每間韓式店都有一個共通點就係一部「大彩電」在頭上 ,不停為你洗腦送入新歌、
流行啲乜有時在畫面上都有玄機



太陽芝士炸雞HK$198.不知是否劉大衛這部韓劇太入人心之固以取名,
侍應告知等候需時15-20分鐘,冇怕今天閒著有的是時間、上枱實物如餐照一樣大,
超巨農夫包四四正正座落於碟間,內膽用上忌廉和芝士構成,十級邪惡、
用刀輕輕界開包邊已看到忌廉芝士槳像溶岩般湧出,界上之包身更亦朗朗清脆、刀峰及耳窩同時感應得到,炸雞外脆內嫩香料味道由皮帶入肉內,邪惡地沾上忌廉芝士槳,令層次感「升呢」





芝士白汁年糕,HK$120.將Carbonara做法直入式注入韓式年糕之上(唯獨欠蛋黃)
味道同出一轍,濃厚忌廉芝士整個包封著每件年糕,芝士爆香、年糕烟烟韌韌口感加上惹味跟烟肉同吃很滋味,店子還加上些少泡菜,劃龍點睛下味道都幾夾,略帶點兒韓式又掛上西服、
創意和味道合拍。



午後沒有全侵略酒精需要,但有炸雞冇酒是合襯嗎?
决意放棄汽水轉來apple cider rita HK$78. 倒插於闊口杯上,份量蠻多其實足夠兩口小情人啜啜吓,有意思。。。
品牌是用上Somersby,帶有蘋果味道涼快中帶點酒意、
下午剔除(酒仙)外, 這份少少甜意配炸雞、爽呀!

吱吱喳喳七嘴八舌的煩吵聲這個週日我沒有遇上,換來是寫意自在優悠下午天、
是我好彩還是我識揀時間?任性的一餐放低身段放下磅數,一切盡是活在當下中。

================================

感謝applehoneyhk提供以上資料

applehoneyhk的網誌: http://www.openrice.com/zh/gourmet/reviews.htm?userid=107274&city=hongkong

================================