7 唔係松田既大聖子...

有九龍蘭貴坊之稱的諾士佛臺, 平日的晚上也人來人往, 由較靜的一邊, 天文臺道上, 途經所有餐廳, 間間都坐滿人, 睇嚟... 經濟唔係講得咁差啫....整條街都是食肆, 生意好, 愈開愈多, 到供不應求, 自然向上發展, 經濟學常識吧....

Singha 勝獅啤酒 $40, 落單後, 翻看餐牌, 發現睇漏眼, 原來有供應生啤, 但不是泰國貨 (食泰菜 飲泰啤, 唔係原則性問題, 況且我做人不嬲無原則.... 哽! )  而是西班牙的 Draught Estrella, 已經在不同餐廳見過三、四次了, 應該是餐飲界新寵, 但到底是以成本取勝, 還是以質量取勝, 就要試過先知了, 最後.... 我要了泰啤... 哈哈

泰式雜果沙律 $88, 甚少聽到呢個名, So..., 原來...雜果沙律也有分英式、美式、意式、日式、泰式, 實在太增廣見聞了...., 泰式的雜果沙律, 當然一定有泰國金柚吧,

切得靚靚, 影幅相先, 再淋了一些廚師特別炮製的泰式酸汁, 賣相好, 食落都特別好味.

泰式生蝦刺身 $128, 又嚟食"公車攬霸", 唔係上大陸搭公車時有人霸住個車位, 而係生蝦刺身的泰文, 網上找一找, Goong Chae Nam-pla, 唔識泰文, 但尾音好似係送氣音"P"而唔係"B"音..., 搵位泰籍靚靚店員實習兩句先..., 全碟有十小杯, 我取了一杯, 以阿婆裝香的神檯杯盛上...., 即係shooter杯... ,  蝦是用灰色紋理草蝦, 拆殼去腸留尾殼, 醬汁混合蒜蓉、薑蓉、辣椒、魚露、青檸, 與日本鮮蝦刺身截然不同的味道, 用薄荷葉包裹, 入口,  肉爽清新, 蝦肉脆爽, 酸甜香辣味齊晒!

泰式海南雞 $108, 其實我...唔係好攪得清楚... 到式泰式、星式、馬式、中國式既海南雞飯隻雞有咩嘢唔同? 有咁樣樣講, 一定要用文昌雞, 先可稱得上是正宗海南雞, 但去星馬泰旅行時, 那些海南雞飯店, 無一間用文昌雞喎...., 真係有些R頭...., 上檯時的賣相, 比較深的黃皮, 雞皮不算厚, 也不是最薄的一種, 皮肉間有透明膠質.

這不是海南雞"飯", 沒有跟"飯", 我想要碗"油飯", 但無人出聲, 為免比大家覺得我太大食, 我唔敢叫.... 哈哈, 海南雞飯最重要, 當然是雞、油飯和醬料, 今天和油飯無緣..., 而醬料是另一關鍵, 因為是泰式, 所以沒有星馬最愛的甜醬油, 也沒有香港人最愛的薑蔥油, 只剩下我最愛的"酸辣汁"...., So...., 迅速地夾了一件雞胸和雞脾, 最開心的是雞皮薄, 連肉帶入口, 唔使幫隻雞做手術, 可以整件入口...

泰式豬手 $128, 特別鍾情豬手, 不論是德國炸豬, 又或是中式白雲豬手, 最愛就是那韌而不硬的豬皮, 與及皮肉間的黏黏口感的膠質. 泰式口味, 滷汁味道不似中式的鹹, 豬皮燜得煙韌中還帶微微爽口, 還有伴碟不可缺少的滷蛋, 為免太飽, 四份一隻夠了....

香辣海鮮炒扁意粉 $88, 又係...  泰式...炒意粉?? 都係放海鮮落鑊炒...., 同義大利店的意粉有咩嘢唔同先??? 應該係香料吧..., 大量Hoary Basil, 所謂的泰式羅勒, 泰文好似係Maang Lak, 得閒要再查一查, 味道好香, 另一發現, 就係Thai Pepper, 已經曬乾了的, 泰文應該係Phrik Thai, 好過隱, 一粒粒痴埋的, 又要得閒去查查...., 真係好唔得閒.

扁意粉, 即係 Linguine, 義大利餐廳食得多, 泰式都係第一次, 其實除了香草味, 無太大分別, 師傅也算高手, 炒出來的意粉...., al dente!! 又要再查一查, 到底... Linguine.., 可唔可以用al dente來形容..???

呢個夠晒攪嘢..., 老友記落單, 名為"冬蔭公海中寶", 好似係最新優惠推介, 餐牌搵唔到, 聽講話夠晒四位食..., 以我既食量, 我認為係..., 四位女士一定OK, 男士?? 三位比較合適..., 店員先抬出這盤大碟上檯, 另一位店員再拿出一壺冬蔭公熱湯, 倒進大盤海鮮裡.

倒完紅橙當當的冬蔭公湯, 賣相也升了幾級,  冬蔭公湯的酸辣香味飄出來, 數一數材料和海鮮.... 有大蝦, 聖子, 帶子, 青口, 鮮魷, 大蜆, 榮螺,  還有雞蛋... 有D怪異...

各位..., 同檯食飯, 要眼明手快是常識吧,  青口or帶子?? that...當然"唔" is the question啦..., 有帶子食, 無理由食青口啫...., 哈哈..., 隻帶子煮過, 縮咗水, 但都有成舊魚蛋咁大, 口感豐富, 質感方面, 煮得略為過火, 但不損味道, 依然彈牙十足.

海中寶的海鮮大會, 包括有聖子, 但眼前這隻巨型聖子, 並不是冬蔭公海鮮大會裡的一隻, 而是"有辣不歡"的友人落單的另一款"無辣海中寶", 但其中友人對聖子有童年陰影...., 我連忙說一聲"謝謝", 然後立即夾來送入口... 至於 咩嘢童年陰影?? 我當無理會, 也不知道..., 而我對聖子絕無童年陰影, 而且還十分喜愛, 讀緊小學; 準備升中學時, 日本文化襲香江, 當時就有松田聖子, 我不知幾鐘意佢, 當時未興瘦身, 松田聖子剛出道, 塊面就成個"包"咁, 唱個首... 天使嘜嘜嘜...., 林憶蓮都有首改編廣東歌"愛情I don't know", 聽個名...都知道首歌係咩嘢品種.... 哈哈.... 講翻呢隻大聖子, 一定要夾埋fans一齊.... sor..唔係! 係真粉絲..., 軟滑中彈牙, 新鮮到暈呀!

好飽..., 但都要消滅埋最後的海鮮小會....

================================

感謝oasiswong提供以上資料

oasiswong的網誌: http://www.openrice.com/zh/gourmet/reviews.htm?userid=85184&city=hongkong

================================