8 飲晚茶...

店名"Yum Cha"(飲茶), 絕對是香港出口貨, 此英語詞彙, 全世界通行, 今期的期中一份"愛國報紙"也有提及, 就是最新版的"牛津字典", 正正就收錄了Dai Pai Dong（大牌檔）、街坊（Kaifong）、Char Siu（叉燒）、Siu Mei（燒味）、Yum Cha（飲茶）這些甚有香港色的廣府事物.

來到入口處, 大發現....  三菱 Canter, 應該係... 7.7噸孖屋仔F陣, 屬5座位, 差不多4000cc, 腦海裡...忽然出現了廣告內的slogan 尾歌...: "識貨之人搵三菱! (必須用汽車廣告內的麻甩佬粗獷聲音來哼...)".. anyway... 還是..最摸不對頭腦.... 夠竟飲茶和貨Van... 有甚麼關係呢..?? 哈哈哈

杭州白菊 white chrysanthemum (caffeine free), 茶錢每位$15, 中上環交界, 如此環境, 收費算合理, 但可惜.... 我對caffeine free.... 這詞語, 無甚好感... 哈哈...  平時家人飲茶, 也最愛菊花, 市場上有黃菊、杭州白菊和雪菊三種, 杭州白菊 清熱最有功效, 雪菊性質溫和, 較適合體質虛人士，黃菊則介乎中間, (聽中醫師講, 體質虛寒人士, 其實根本不宜食用菊花... 有待再查證...), 不講不知, 原來含苞待放的菊花是最濃茶味的, 反而盛開了的菊花, 味道最淡.... 唔... 索一索....品神...! 呀... 唔係... 品茶... 清香撲鼻 ... !

橙棍冬瓜  Orange wintermelon $49, 打開餐牌, 驟眼一看, 唔知點解... 會讀咗做"神棍冬瓜"... 哈哈哈... (店主咁有創意, 希望將來也可以用"神棍南瓜"創製翻一個新菜式吧...) 上檯時的賣相, 真是華麗, 金黃色的積木, 講明你聽: "橙", 就當然係橙味煮製的冬瓜吧... 但我食到了一陣柚子味道, 以為"酸", 但甜多於酸, 橙皮絲全無澀味, 冬瓜煮得剛好, 淋身之餘, 還帶一點咬口, 味道口感: 冰涼、少酸、微鹹、中甜, 清新可口, 好有創意的菜色.

橙色木棍, 被大繩纏住, 掉落了池塘, 砸在暢泳中的魚兒....

寶石蘭度 Pomegranate & curly kale $59. 聽店員講, 寶石比喻"石榴", 蘭度比喻"芥蘭", 但英文用curly kale... 則有點..., 看賣相, 應該真是香港人食開的芥蘭, 用來刨片, 但curly kale 應該是指西洋芥蘭, 即"捲葉甘籃"... So...  反正味道最緊原, 理得它是"芥蘭"還是"嘜蘭"吖...   石榴肉的味道少甜, 咬下卜卜脆, 刨成薄片的芥蘭, 煮得略為生一點, 入口又爽又脆, 但不太適合老人, 如果你年紀, 牙齒退化, 就唔好食喇... 哈哈..

焦糖魚丁 Caramel dragon well tea & fish cubes $99, 圖中的白色魚肉粒, 店員告之, 是龍利柳, So... 近十年, "龍利柳"這名稱, 在本港餐廳的餐牌上大行其道, 但行內人士定必清楚, 這十年所講的"龍利"與以前所講的"龍利"大有分別, 近十年所講的"龍利", 只是一般性稱號, 其實大多數是"鯰魚"... 當然, 鯰魚也好, 龍利也好, 無所謂, 又是那一句: 最緊要煮出來, 人人讚好味! 我最喜歡這店數做的鹹甜對沖菜色, 前有橙棍冬瓜和寶石蘭度, 現有"焦糖魚丁", 經過焦糖煮過的茶葉, 脆口, 甜絲絲, 與炒過軟身的魚肉, 配合得宜, 味道鹹中有甜, 甜中有鹹, 口味獨特有趣.

近朱者赤 beetroot with salted fish and chix fried rice $109. 其實是鹹魚雞粒炒飯, 但加了紅菜頭汁, 所以飯身也變成了深粉紅色, 菜名改為為"近朱者赤", 真有心思, 其實餐牌上, 還有另一款近墨者黑, 相信是用墨魚汁吧... 應該...好似食墨汁義大利粉一樣, 會食到全檯人的牙齒黑漆漆... 似十足泰國電影"淒厲人妻"內的角色一樣... 這碟"近朱者赤"賣相當然了得, 但口味也絕對有水準, 香口, 炒得乾身, 無痴埋一舊舊, 可以改進的地方?? 鹹魚唔夠鹹囉...  矛錯! 我係死鹹虫...哈哈哈...

麥皮塘蝦 oatmeal prawns $129. 唔使多講, 你我都知, 此味是新加坡名菜, 此道名菜, 其實在90年代才冒起, 是星國的新派菜式, 一般餐廳, 通常炒得油分過重, 麥皮煮得過甜, 但這店做得頗佳, 蝦屬中等身材, 肉厚, 背肌...sorry 攪錯了..  連殼落鑊炒成, 廚師用麥皮加上指天椒, 單食蝦, 肉身彈牙, 麥皮煮後, 仍然脆口, 微微麥香, 微辣開胃, 千企小心, 不好辣者, 唔好夾埋指天椒入口, 辣得我吖.... 哈哈.

================================

感謝oasiswong提供以上資料

oasiswong的網誌: http://www.openrice.com/zh/gourmet/reviews.htm?userid=85184&city=hongkong

================================