8 大坑假日遊....

大坑.... 位於繁華鬧市側, 正是旺中帶靜的好地方, 六層以下的舊樓甚多, 向上望, 天空仍算寬廣.

此類型舊樓好特別, 樓下一個鋪位, 樓上五層, 還多了一層私人搭建的天檯層.... 一梯只一伙, 唐樓無電梯...是常識吧, 應該無需交管理費, 上網八一八, 實用面積360呎, 15年樓價320萬, 唔使一萬蚊一呎, 大坑喎....抵唔抵住...?? 60年代出品, 已經五十六年樓齡... 大過我好多... 如果保養好...都OK吧...

酒吧式餐廳, 當然無下午茶, 但有下午"酒"時間, 4-8pm, 優惠並非是折扣形式, 而是每枝減廿皮, 以此店之定價來說, 差不多半價..., 可以優閒坐一、兩小時, 超值啦...

行得耐, 坐一坐, 飲杯酒, 慢慢才吃, House Wine 是2014 Quarisa Johnny Q Chardonnay (South Australia), 做得House Wine, 當然不會是貴價貨, 但這枝南澳出品, 不似一般餐廳的平貨, 水準絕對不遜色, 新開樽, 果香特別重.

背面招紙介紹, 蜜爪和桃氣味, so.... 甚少聽到, 白酒有蜜瓜香氣, 無論如何, 桃味是常識, 但蜜瓜...? 我程度低, 聞唔到.... 另外, medium bodied... 同意, 但creamy flavour?? sorry 囉... 哈哈...

鹽漬橄欖, 是店主自家製的小食, 義大利人最愛醃製食物, 鹽漬的義大利文是 in salamoia, 就是把食物放入高濃度鹽水浸泡, 新鮮橄欖, 浸泡後便去除澀味, 再加入香料, 定時取出當開胃小食, 店主加了白醋, 味道帶點酸, 更開胃.

Corned beef hash (63C egg & Raclette Cheese) $108. "鹹牛肉炒薯仔"當然食過多次, 但用溫泉蛋和Raclette 芝士做配料, 則第一次試.

Raclette 是瑞士芝士, 但字根出自法文的 Raclerz, 即是削、切、割, 外皮為深黃色和褐色,內裏金黃, 質地平滑, 易溶, 放在專用烘焙架, 大約攝氏200度的高溫, 兩三分鐘便可以把最面的芝士溶解.

店員把Raclette芝士取出, 用刀把半溶的芝士搲在溫泉蛋上, 然後把蛋和芝士撈勻, 芝士和半溶蛋黃, 再混入鹹牛肉, 味道香口, 口感軟滑.

Milk-fed Veal Carpaccio (Tuna Sauce) $118. 乳飼的牛仔肉做carpaccio, 看樣子, 不是傳統的carpaccio, 牛肉比較厚身, 顏色顯示略為煮過, 還有特別之處, 是用吞拿魚做醬汁.

比傳統Carpaccio略為厚一點的牛仔肉, 半熟狀態, 肉質的確軟滑無比, 但...Milk-fed, 即係乳飼吧, 那... 乳飼牛仔的肉質與草飼, 有何不同?? 我真係識條鐵... 我只係識食, 即係..識擘大個口食個隻... 當然, 我係食得出醬汁是青吞拿魚做的... 哈哈哈...

House smoke Mozzarella (Cherry Tomato Salad) $98. 沙律型式上碟... 煙水牛芝士、小番茄、紅洋蔥、青和橙唔辣的辣椒, 塗上"正弦波-sine wave"型態的黑醋汁 (突發其想...sine wave... 而且wave-lenght好窄吓.... 哈哈...)

黑醋汁的味道酸中有甜, 用來食煙薰過的mozzarella 就最啱了, 表面還插了四片印度餅 papadom, 得四塊....唔夠喉囉... 哈哈...

Scotch egg (Cumberland, Honey mustard) $98. 英國佳肴... 英國都有佳肴??? ...係!! 無聽錯, 是英國名菜, 甚至...可與fish and chips 齊名.... 哈哈... 中文照譯, 就是"蘇格蘭蛋"吧, 有些餐廳加多一個"炸"字, 即蘇格蘭炸蛋, 因為..真係用油炸... 但好易被人唔會...以為講緊....蘇格蘭有炸彈... 雖然蘇格蘭想獨立, 但都唔使用炸彈既, 話晒...英國都係文明國家, 你估係X國咩.... 咿咿

蘇格蘭蛋, 也算是英國歷久不衰的道地小吃, 製作也算考功夫和花時間(當然這是與其他英國小吃比較... 例如... 英國熱狗...哈哈...), 雞蛋外層包滿碎肉, 但有些店的做法, 是用Cumberland susage (Cumberland香腸, 出處當然就是Cumberland, 但Cumberland 並非在蘇格蘭, 而是在英格蘭西北, 也算是地埋上的crossover 吧... 應該係.... ), 然後再塗上麵包糠, 炸至金黃, 口感有脆、有軟、有彈牙兼層次分明.

Vongole Chorizo (Tomato Chilli) $148. Vongole 是義大利文, 蜆的意思, 但店主話此菜是用花甲, 而非蜆, 主要是因為蜆多沙, 花甲則乾淨得多, 而且花甲肉質更爽甜, 鮮味濃... 其實花甲還有一好處, 就是...煮得耐, 也不會像蜆一樣太實太硬. Chorizo 是西班牙香腸, 發音: 卓落蘇... Chorizo 的味道比一般香腸更香, 顏色深紅, 彈牙有嚼勁, Chorizo 切片, 一定要煎一煎, 迫油出來, 味道更上一層樓.

生果報曾經介紹蜆與花甲, 蜆殼圖形是圓放射線坑紋, 花紋獨特, 隻隻不同, 而花甲則呈長身交叉網花紋, 殼形長身, 交叉網狀, 花紋均一, 表面無坑紋. 花甲的味道比蜆更鮮甜, 而且肉質略大, 口感更佳.

店主... 應該係老闆... 十分好客, 一邊食, 一邊與我們吹水... 還拿出他的私伙威士忌: Nikka (from theBarrel)... 哈! 剛巧我家中有一枝, 這枝是 Blended Whisky, 屬於沒有年份的入門版本, 設計別緻, 酒樽似名牌香水樽, 酒味有花香果味, 還有一種....我飲來飲去都聞唔到的 Toffee(拖肥)香氣.

================================

感謝oasiswong提供以上資料

oasiswong的網誌: http://www.openrice.com/zh/gourmet/reviews.htm?userid=85184&city=hongkong

================================