8 開拓新市場...

老牌名店, 潮州百樂, 積極開拓年輕人市場, 近年選址尖咀美麗華, 主打精緻潮州菜. 舊式中菜館開拓新市場, 已是新趨勢, 小南國攪了間"南小館", 上海婆婆攪了間"上海婆婆336", 利苑也有一間"利小館", 不影響原有品牌, 再開一間新的年輕版副店, 食品份量少一點, 價錢也訂得低一點, 吸引年輕一群消費者, 何樂而不為...

潮州菜, 先來功夫茶, 是常識吧.... 高人指點...: "功夫茶, 離不開...烏龍、鐵觀音、鳯凰單叢..." 頭兩類常聽到, 鐵觀音.... 好似...都是屬於烏龍品種喎..., 至於"鳯凰單叢"...., 咁高級既名, 要上網查一查了...

據印象.....碧螺春 都好似是功夫茶的材料... 只不過成本高, 食肆甚少選用.... 敝今晚遲到, 茶已微暖, 一啖入口, 仍然清香雅韻, 至於是何品種? 吚.... 一定係"鐵觀音", 除非唔係.... 哈哈哈...

未上菜, 口痕... 一碟鹹酸菜, 啱晒! 韓國人的泡菜超出名, 潮州人的鹹菜也不失禮, 用大芥菜的頭醃製, 加鹽... 發酵... 變酸... 攪掂! 上碟前 最好洒一點"南薑粉", 有意想不到的效果...

滷水雙併 Combination of Two Marinated food $98 (骨香鵝肉片 + 滷水鵝掌翼). 據聞副店小廚都是沿用百樂總店四十幾年的滷水做膽..., 不斷加入藥材和香, 當然還有每天浸鵝的化學作用.

陳年滷水, 就如中環的"十減一"記牛腩汁一樣, 單是香味, 已經獨一無二, 問題是.... 對我等水皮食客, 起不了大作用, 陳年與否, 我真的分不出來... 哈哈... 無論如何, 鵝肉的肉質確實夠嫩, 入口即化?? 未有咁跨張吓!? 哈哈.... 但與一般打冷店那些粗和實的口感相比, 味道口感都細緻許多, 名店的確不同.

又是據聞, 百樂用的是獅頭鵝.... 早前看生果報, 介紹廣東有三大名鵝, 分別有黑棕、黃棕和獅頭, 肉質最好的排位是黑棕, 黃棕, 第三才到獅頭, 但如論體型, 獅頭鵝則最大, 睇完.... 好想試齊三種, 但發現...原來單是一條"滷鵝頸"就已經要賣成千蚊港幣, 嚇得我腳也浮了一浮.... 個人喜好, 愛骨多過愛肉, 滷水鵝掌和鵝翼, 吸收滷水精華, 骨頭內也浸出油脂香潤, 回味無窮.

手打魚蛋煮津菜煲 Handmade Fish Ball with Chinese Cabbage in Hot Pot $88. 傳統潮州魚蛋, 用九棍魚, 還加會"門鱔"才打成漿狀, 人工手製, 逐粒唧出, 入口魚味濃, 爽口彈牙.

魚蛋是平價食物, 原本也只是為免浪費而物盡其用的副產品, 把細條賣不到錢的平價魚攪碎, 打成魚漿, 唧出魚蛋, 但要做得好味也是考功夫的, 魚漿打得好壞, 師傅手功至緊要, 保留傳統, 手唧魚蛋, 才可有咬勁耐嚼, 才食得出爽、滑、彈口感.

欖菜肉碎炒飯 Fried Rice with Minced Pork & Preserved Olives $88. 欖菜, 用芥菜葉煎製而成, 味道鹹香, 是潮汕區特產, 愈上乘的欖菜, 色澤愈烏黑,  近排食得多欖菜肉碎四季豆, 今晚換一換新意, 來一個"欖菜肉碎炒飯"... 蛋網下的炒飯, 賣相已經說明一切, 粒粒分明的炒飯, 香噴噴的味道, 我要兩碗!

大眾化甜品: 金獅脆麻花, "金獅"只是形容詞, 無甚意思, 脆麻花...當然人所皆知, 但可能未必人人知道, 上海的脆麻花是鹹點, 至於潮州...., 我程度低, 只知道有"反沙芋", 潮州脆麻花...??? 唔知道蹯.....哈哈哈

口感脆薄, 糖漿甜而不膩, 與家中吃薯片一樣, 一吃停不了, 會上癮的, 新鮮炸起, 脆口, 要襯熱食... 唔...唔...咿...咿... 好味呀...!!!

走時才看到店舖的大招牌, 好有氣勢....吓蹯....

================================

感謝oasiswong提供以上資料

oasiswong的網誌: http://www.openrice.com/zh/gourmet/reviews.htm?userid=85184&city=hongkong

================================