話說，我地成班同事諗住慶祝其中一位同事生日，唔知邊個又索到料話呢度裝修完，於是我地就嚟試下。諗住平時食開東海嘅大閘蟹唔差，平時都唔會差得去邊。
一入到嚟嚇左一嚇，改左名 ! 睇嚟東海要走婚宴路線了~ 入到嚟個門面都grand 咗~
![]()
尖沙咀夜景依舊，每張枱個空間感多左，而且光猛咗~
![]()
我偷偷地去左佢隔離未開嘅部份睇，唔講真係唔似係東海囉~ 以為係去左酒店啊~
![]()
講返食勒，呢度啲蝦片真係幾好食，夠脆又夠香，唔係有啲酒樓放到淋哂先俾客食，所以亦因為好食嘅緣故，好快就俾一班餓鬼纖滅左~
![]()
話說當日只有呢個餐牌，啲野都唔算係太貴，咁嘅view 咁嘅價錢算唔錯。
![]()
我地叫左碟無乜點死得人嘅蜜汁叉燒 $88 ，如果計切成8舊嘅話，其實每一舊係要 $11 ~ 不過表面光澤，賣相加了不少分數。
![]()
老實講，我覺得瘦肉比較多，而且唔太蜜汁，好似只係停留係表面咁，唔夠入味。不過，表面仍做到焦糖效果，已算不錯。
![]()
八味豆腐粒 $58 基本上係不敗之作，只要用上百福豆腐，炸粉不厚，灑上七味粉，就能做到這客不敗的八味豆腐粒。的確，呢一客小食，係又夠熱又滑，令人覺得越吃越肚餓的吊胃小吃。
![]()
比較少見的小食算係呢一客紅燒雙菇 $68 ，肉眼所見，其實唔單止係雙菇，直情可以話係雜菇 ! 因為冬菇、磨菇、秀珍菇、本菇，可以話係乜菇都有。
![]()
以蠔油入饌，你問我夠唔夠好味，我只能推介吃素人仕，味道唔算好濃，唔會覺得食完就飽飽滯滯，我覺得唔錯，啲菇都算爽口。
![]()
之後登場嘅就係傳說中的京式片皮鴨了 ! 我地仲要叫咗兩食，都只係 $288 ，我個人覺得價錢係acceptable ! 畢竟，人家都比哂成隻鴨你了，加上比起最近係旺角moko 嘅北京樓，等左接近半個鐘先上菜，呢度上菜速度已算很快了，而且味道亦不相伯仲，皮薄脆而不太油膩，肉嫩而帶淡淡煙熏香，加上侍應咁有心機排，我地成班見到真係眼前一亮 ! * 0 * !!!!!
![]()
預了足夠份量的青瓜條和京葱﹐
![]()
薄餅皮也是另一北京填鴨的重要部份，這裡侍應生叮囑我們不要太快開籠蓋，因為會令薄餅皮變乾，的確，我們待片皮鴨上了才開蓋，薄餅皮真的又薄又軟熟。
![]()
我們的兩食，就是鴨肉砍件煮涼瓜，鴨肉和涼瓜都煮得夠入味，而且即使是用煲來炆，也不會令涼瓜變得好淋，入口相當爽口，吃到鴨肉的味道，溫度夠熱，而且份量十足，我們一行十個人，完全能吃得飽。
![]()
登登登 !!! 我期待已久嘅雞油花彫蒸大肉蟹 $498 ，我鍾意呢度明碼實講話俾你知，呢隻蟹就係收你 $498 ，唔好打什麼時價啊~幾多錢兩啊等等~ 因為我真係預唔到亦計唔到~ 一嚟到嗰陣花雕味真係好香，而且上碟嘅時候，好似隻蟹係一片黃色的海上游緊一樣~
![]()
咬入去除左食得出雞油嘅香，同花彫嘅酒味外，每一啖嘅蟹肉都相當嫩滑，完全無overcook ! 真係好好食~~!!! 真係大肉蟹 !
![]()
另外，我地仲每一叫左一盅山珍佛跳牆 $128，花菇、花膠、瘦肉同埋桃膠 ，其實個高湯夠熱都已經係好正，而且啲料都算足，加上比較少見以桃膠入饌，桃膠是桃樹嘅天然分泌物，其植物膠原非常豐富，所以對改善皮膚亦有幫助，所以整客佛跳可以話對女仕嚟講相當滋補養顏。而且桃膠本身無乜味道，入口煙煙韌韌，其實都幾有口感。
![]()
總括嚟講，實整餐飯都唔錯，一家人做節都ok~ 特別係個景~ 而且餐廳位置方便都係幾好~
================================
感謝Jackiess提供以上資料
Jackiess的網誌: http://www.openrice.com/zh/gourmet/reviews.htm?userid=151264&city=hongkong
================================
