8 三文魚 VS 鰻魚

我身邊嘅朋友每逢放假，都想捉我四圍去，知我鍾意搵新餐廳食好嘢，今日就去咗旺角呢間唔錯嘅小店！Cafe就係先達商場上面，喺大廈旁邊有升降機。



入到餐廳，環境比較寧靜，地方整齊播住一啲音樂，可以靜靜哋坐一嗰下晝！餐廳有多張沙發，毛公仔陪伴，跟窗口位置有榻榻米高台設計，可以比一班朋友去包場玩！
大約三點到餐廳，啱啱開門，今日餐廳只有一位店員坐鎮，食物一道道送上，仲時不時過嚟問吓我哋意見，感覺親切。另外，餐廳有好多卡game遊戲玩！





餐牌用人手寫上，好比公式化嘅餐牌，小食由$32起，飯同意粉就$78起，我哋嗌咗一個甜品，同兩個主菜！





先嚟一杯玫瑰生果紅茶，香氣隨着熱力飄出，果味酸甜好開胃。襯托深啡色木紋餐枱，影相都特別靚。





三文魚蘑菇忌廉汁意粉
雖然意粉份量好多，蘑菇味香濃，忌廉汁豐富，但都比三文魚搶哂風頭，金黃色嘅表面好吸引，魚皮煎成脆身，魚肉帶有脂肪，唔會乾身。





升級鰻魚日式炒飯
炒飯上面足足有一整條鰻魚，係餐廳食真係好少有，如果去超級市場買一條都要80蚊，餐廳真係落我重本，上面放啲紫菜，令賣相更加精緻，炒飯用燒汁調味，加上蔬菜顏色變得豐富，食起上嚟好輕鬆，鰻魚好肥美，同炒飯好配合！





最後都有啲飽啦，就嗌一個甜品share，不過我哋都係三心兩意，好彩餐廳有一個下午茶餐，有三款甜品，分別係朱古力窩夫、焦糖燉蛋及野莓乾凍糕，有唔同層次嘅口味，特別係野莓乾凍糕酸酸地啱晒悶熱嘅夏天！





趣亭餐飲館 Chatting Cafe
星期一至日: 15:00 - 23:00
可以包場開praty!
Tel: 9534 0470
旺角亞皆老街83號先施大廈401室

================================

感謝mohkc提供以上資料

mohkc的網誌: http://www.openrice.com/zh/gourmet/reviews.htm?userid=717759&city=hongkong

================================