7 第3次食私房菜喇

回頭一想原來今次係第3次食私房菜  咁岩3次都有一個共通點，三間都係樓上私房菜黎!

過往食過既私房菜，無論食物味道，賣相款式一樣有驚喜，今天訂位到觀塘工廈品嚐晚餐，估唔到平日時間都好多食客。

餐廳地方裝修簡約，燈光光猛地方整潔。

呢到食物有散叫 & 套餐，打開MENU選擇相當多，眼見以海鮮類最為多款~

講講今晚我地點左邊個套餐啦，套餐C $420/位

1. 麻辣滷水拼盆
拼盆有青瓜雞絲，滷水麻辣豬腸，滷水麻辣牛肚~ 滷水好濃但濃得黎唔會咸，配埋脂肪好高既豬腸的厚油脂，再加上滷水時間夠，入口時油份很容易在口中溶化，好肥但好香好邪惡呀  麻辣牛肚同樣好食，麻跟辣的味道很平衡，很香很麻很辣的感覺有齊! 前菜有點驚喜

2. 金湯海皇翅
呢個翅係我成晚最最最推介的!

相當足料，可以咁講有2/3係料， 1/3係湯， 呢到個湯不會是茨汁般厚厚的，食完唔會覺得頂住晒!

一絲絲瑤柱加埋D爽口彈牙蝦肉，湯頭好鮮甜，個翅又夠熱，好味!



3. 生煎東星斑 (12兩)
東星斑一般食蒸既多，今次以香煎方式幾有新意，值得一讚魚皮煎得很香，肉質紮實多肉但魚肉唔算好鮮甜，呢個就普通一點。

4. 大肉蟹1隻 (可選薑蔥炒/ 避風塘炒/ 花雕蛋白雞油蒸/ 四川香辣炒/ 胡椒炒)
我就鐘意食惹味口味既，所以點左避風塘炒肉蟹 (其次胡椒都是大愛口味之一 )
即叫即炒，肉蟹當然是以肉為主，所以呢蟹蓋膏相對唔多，用上避風塘炒味道又香又辣夠惹味。

5. 蒜蓉粉絲蒸蟶子皇
蟶子皇大大隻又厚肉，蒸得岩岩好蟶子仲係好嫩，大量蒜蓉做配撘，記得D粉絲都唔可以錯過吸收晒D鮮甜味加埋D蒜撈黎食

6. 士多啤梨骨
私房菜總有一些特色菜式，士多啤梨骨我都係第一次食，估唔到又幾夾WO，加上我本身好鐘意士多啤梨  醬汁甜甜富果香的一字排味道中和了肉的油膩感!



7. 蟹油銀芽炒麵
炒麵看似很簡單的，反而功夫少一點火喉差一點都會影響晒成個麵的口感呢! 蠻令人滿意的炒麵，麵質軟硬恰好，味道不錯。

8. 蒜蓉炒時菜

9. 甜品
整餐飯的菜式令我們相當滿意，唯獨甜品比較失色一點，椰汁糕質地比較實，椰汁味亦不夠，有待改進!~

================================

感謝Yan_PIG提供以上資料

Yan_PIG的網誌: http://www.openrice.com/zh/gourmet/reviews.htm?userid=151904&city=hongkong

================================