係囉～都係個句。日本人都一年四季SHABU SHABU ，係香港一樣一年四季都會無啦啦有鋪打邊爐呀、雞煲呀、火煱呀等等等等 滾野食癮！所以QT又黎滾喇～～～～今次係雞煲！事關QT行過白布街，見到以前萬發個位變左第2間～叫「為食魚」專食海鮮煱同雞煲～～＝0＝！冇記錯「為食魚」係於筲箕灣嫁？唔通分店～甘QT就不大清楚喇！好啦！又試下先！
單睇MEUN又真係同「為食魚」冇大分別可以講近乎一樣！是晚QT 因為只係同男朋友行完街二人行～實在食唔落個推介嘅龍蝦煱，只好點個雞煲TRYTRY！其他就小點個D比較出面少有嘅： 黃沙豬潤／蝦膠奶黃丸／鵝肝墨魚丸～～～
雞煲眼睇落不大特別，但聞到味好香～雞件食落都好滑口同嫩～～而且絕對夠入味～～！
但QT好欣賞佢地嘅豬潤好新鮮同冇「嗱」生粉！入口有爽而溶化口感！其次鵝肝墨魚丸都好重墨魚味！口感爽彈唔會係粉感！內包嘅鵝肝雖不多但有淡淡咬到會散出鵝肝香味！但食左成晚我最愛係個蝦膠奶黃丸！！！！！！一定要點！一定要點！一定要點！！好食重要嘅要講3次！ 蝦膠打得好足！唔係粉丸而且好重蝦味！！最正係中間包嘅咸蛋流心黃！！！一咬爆出黎個下即食到重重咸蛋黃味仲好滑口！ 飲品方面我推介大家要叫果汁沙冰！超大杯好抵！仲要新鮮生果味唔係糖水味～～～我叫左菠蘿沙冰超正又解渴！
Btw QT幾鐘意佢地嘅環保下單方法、以白板筆畫上已過睇嘅點單紙，減少不必要嘅紙張浪費！要讚！！
![]()
![]()
![]()
![]()
![]()
![]()
![]()
![]()
![]()
![]()
![]()
![]()
================================
感謝qtqueenie提供以上資料
qtqueenie的網誌: http://www.openrice.com/zh/gourmet/reviews.htm?userid=50202632&city=hongkong
================================
