9 晚市$188 一位 超抵食好味嘅韓式燒肉放題

相信大家如果去食韓式燒肉放題會諗起「漢X」先～ 不過今日QT要同大家介紹另一間俾大家日後多個選擇！而且係好抵食！晚市只係$188 位～佢叫「金甲」～～ 其實晚上過左10點入席仲抵$138 不過當然少左好多野食啦～ 對比起漢字頭～ 金甲嘅燒烤選擇多左海鮮類！有海蝦！生蠔！魷魚等等～ 雖然係冰鮮海產但都唔差～ 肉類方面都有好多種！但QT提提大家一定要食牛肋骨同護心牛！超級正！脂肪度岩岩好！特別係護心牛口感鬆軟但唔係鬆散～ 而且好入味！蔬菜類都多選擇～ 仲有6個口味嘅奶凍同雪糕！前菜同熟食都勁勁多野簡！個豬腳薑超好味呀 ！酸甜適中～ 胡椒豬肚絲QT更加一食再食！即係甘抵嘅價錢又唔係差仲要甘多野食～ 服務員仲要態度良好～ 我俾唔到理由仲要去成日受氣又要等餐死嘅漢字頭度食 ～～～

================================

感謝qtqueenie提供以上資料

qtqueenie的網誌: http://www.openrice.com/zh/gourmet/reviews.htm?userid=50202632&city=hongkong

================================