是次消費：每人平均約HK$ 50.00
喺呢個資訊發達嘅時代，唔止大人，就連好多小朋友都成為「低頭族」，少有接觸大自然。趁周末空檔，一家人不妨放下手機，一齊去親親大自然吧！小編有幾個好地方介紹：
嘉道理農場係香港一個環境保育教育中心及植物園，景色非常優美，又富教育意義，係讓小朋友認識大自然嘅絕佳地方。除了有花園、溫室等可以參觀之外，你仲可以觀賞到好多不同種類嘅動物，如昆蟲、野豬、騾和豹貓等，而「上山區」亦有好多山水美景。由於園區比較大，旅客需要規劃好參觀路線，或以園區嘅建議路線作參考。
園方喺每個月嘅首3個星期日，都會舉辦「動物全接觸」和「動物知多點」活動，等小朋友有機會同動物接觸，增加對自然保育同非法野生動物貿易嘅認知，並培養對動物嘅尊重及欣賞。活動當日設有登記處（接待處附近），可於該處報名，詳情按此查詢。
入場費：12至59歲$30、5至11歲$15、5歲以下/60歲或以上長者及合資格殘疾人士免費
開放時間：星期一至日上午9:30至下午5:00（下午4:00後謝絕遊客入場），公眾假期及園區紀念日除外，詳情按此查詢。
如果想帶小朋友接觸生態，同時感受香港嘅風土人情，大澳漁村就係一個好選擇。以大約$30嘅價錢就可以坐20分鐘小艇遊覽棚屋。棚屋以外，你仲有其他選擇，就係參觀大澳文物酒店，酒店由舊警署改建而成，有留下當年警署嘅設施同物件，包括幾座炮台。行到肚仔餓，大可以掃街，除了海鮮之外，當然要試一試聞名嘅豆腐花同超大魚蛋啦！
恬靜優美嘅迪欣湖，最適合一家大細嚟度過一個悠閒愉快嘅周末。除咗可以散下步，欣賞美麗嘅湖景同山景外，父母也可以同小朋友在園林嘅草地上野餐。另外，迪欣湖亦設有腳踏船同腳踏遊覽車出租服務，食飽之後租架單車或艇仔到處遊覽，係一件非常寫意嘅事！
開放時間：每日上午9:00至晚上7:00（免費入場）
腳踏船/腳踏遊覽車出租服務：每天早上10:00至下午5:00。（雙人艇$70/半小時、$120/小時；四人艇$85/半小時、$150/小時）（腳踏遊覽車：雙人單車$100/小時；四人單車$120/小時）
同小朋友一齊參與期間限定活動都係不錯嘅選擇，小編推薦以下活動俾大家！
想帶小朋友認識本地藝術文化？而家就係好機會！由而家至11月，香港藝術中心特設免費穿梭巴士「藝術發現號」。坐上巴士，你可以開心暢遊5個文化藝術熱點，包括動漫基地（灣仔）、「啟德」視覺藝術研究與發展中心（彩虹）、M+展亭（西九龍）、南港島藝術區（黃竹坑）及油街實現（北角），乘客可隨意上車下車，並可參考導覽小冊子上介紹嘅景點遊玩，發現香港另一面！
日期：2016年9月至11月（逢星期六、日）
巴士時間表：按此查閱
費用：全免
國際賽車盛事Formula E快將在港開鑼，為炒熱氣氛，黃埔新天地將會舉行「Super E Car嘉年華」，滿足大小車迷們的飆車癮！「大車迷」將有機會坐上Formula E官方指定賽車模擬器，感受像真的飆車快感，成績最好的2名參加者仲可以贏得Formula E入場門票！「小車手」就可以參加「迷你電動車自駕遊」，坐上多款名車，在商場的多個「中環地標場景」賽道上高速飛馳！
日期：2016年9月10日至10月10日
時間：中午12時至晚上7時
地點： 黃埔新天地時尚坊地庫
費用：於商場內消費滿$100，可免費參加「賽車模擬器」或「迷你電動車自駕遊」一次
小朋友應該都有跟學校去過博物館，但同爸爸媽媽去又另一回事。好似去科學館咁，老師只會忙著解釋各種科學原理；若果一家人一齊去，可以重拾童真，玩下肥皂泡同鏡子迷宮，一齊過一個輕鬆嘅周末。另外仲可以去埋歷史博物館，了解香港歷史！
標準票：$25 團體票：$17.5（20人或以上於同日參觀的團體之標準票特惠價） 優惠票：$12.5（適用於全日制學生、殘疾人士及一名陪同的看護人、及60歲或以上高齡人士） 由攜票的成人陪同參觀的4歲以下小童免費入場 逢星期三免費入場，詳情按此查詢。
標準票：$10 優惠票：$5 團體票：$7（逢星期三免費入場，個別專題展覽或需另外收費）詳情按此查詢。
開放時間：星期一、三至五：上午10:00至下午6:00；星期六、日及公眾假期 : 上午10:00至晚上7:00；星期二休館（公眾假期除外）。
