學校午餐好難食?

開學半個月有多, 
小齊亦在學校食了一半個月午飯
之前好多人都話: "小學d 午餐好難食", "監獄風雲一樣" 云云...
搞到小齊未返學已擔心






雖知呢個女食o野都相當揀擇 (除左食sushi 比較自動自覺, 其他都三催四請)
聽到表哥話佢學校 d 飯盒肉又梅, 菜又黃, 得 pat 汁睇見唔開胃, 
小齊聽到十分擔憂~
小齊平時食飯量也不多, 所以聽說小學要自己食晒成個飯盒, 
否則會有悲慘懲罰, 
家人加鹽加醋說話要食晒先準放學...
小齊開學前都問我幾次:" 如果我真係食唔晒會點?" (我點知呀?!你問老師囉)




好彩到開學小齊聽到老師話最少要食一半就OK,
所以小齊話佢每日拎到個飯盒都係好似摩西分隔紅海咁先將一半飯撥開
佢就朝食晒一半o既目標努力!


不過話時話, 小六同小一, even 老師都係食同一個飯盒 (飯量) 會唔會有點不實際?!
我作為家長都覺得應該環保d, 比學生選大, 小飯量免浪費, 
照計執行上都唔會太難~
最後小齊話原來學校餐盒係好食咖 !! 
而且選擇每日有4款, 有素有葷, 有飯有麵...
成個月都無乜重覆! 
真係估唔到呀!
咁點解你又唔食晒成盒呢?!

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================