20.9.2016 (二)
早在考車這天的一星期, 已開始有些緊張情緒, 畢竟是第一次考, 反映在不斷上網尋找考車的經驗分享, 去youtube睇考車路線等, 其實幫助不大。
其實年輕時已有考車念頭, 只是怕自己手腳不協調, 要控制部車太驚, 容易緊張, 而丟下好多年不了了之。終於到了熟成的年齡, 覺得也可挑戰一下自己小時的心願, 這些年也了解到自己在技能方便不差, 便試一下。
上網見到好多分享, 好有趣, 也稍稍安慰了緊張的心, 彷彿有很多同路人陪伴, 有人說考車那天車速只剩下平日一半, 結果肥太慢速, 有人說緊張到手心冒晒汗, 呔盤都濕晒, 有人說彷彿有隻鬼在車內, 令他好驚影響表現...據平日觀察, 考車大多是二十出頭的後生仔女, 難免緊張, 而我已到中女之齡, 面對各事情學會淡定, 越來越少緊張的時刻。
說回考試日, 我考下午14:00, 上午11:00-12:30約了EC PASS蔣Sir補鐘, 行完四條線, 宏業東街好繁忙, 好多死車同活車, 才發覺我仍有好多踩線過死車的技巧未學到, 情況比我想像中多, 自己看不通幾時要去幾時要停, 深感後悔沒多請假平日專攻宏業東街, 我有一兩日平日行宏業東街的經驗, 但今天比以往見到都惡劣, 完全不知幾時去幾時停, 不懂比反應。補完鐘後感到心灰了, 但蔣Sir仍鼓勵我, 說我可以的, 我只覺路上太多凶險, 凶多吉少。本來我們都在元朗廣場後上落車, 他說剛好12:30去駕院接學生, 本來想停在流業街, 但見夠鐘, 車我到門口, 由流業街轉入涌業路, 盡最後努力教我怎麼轉入那個彎, 電燈柱到了左後鏡後左轉, 感激他的用心。
之後12:30至13:30驚駛學院堂, 驚覺原來我約了11:30-13:30, 我自己schedule寫錯了, 不過一個鐘也無法改變什麼了, 唯有去吧, 呢堂係個miss有個悠字的, 她很有心教很留神, 在泊位調頭我慣性踩下停下, 因我自覺控制不了速度, 之前有位駕院導師教的, 而悠miss說這樣給人感覺無信心, 鼓勵我放輕腳掣嘗試讓車慢溜, 我照她所講試過, 確實感覺有較好, 另外我扭呔也不夠快, 她教我默念123, 要3聲之內扭完, 又的確是做到, 出街只行了一轉宏業東街, 轉右去油站那邊, 例牌好多的士等加油, 我看準對面線無車, 抽出時miss剎停我, 原來右邊死車突然番生轉出來, 是大貨櫃車大隻佬, 對我平日都無留意死車番生! 細車睇大貨櫃高度差距大, 佢距離我近, 也有點難睇到, 好危險, 好在miss睇到剎停! 行多呢轉, 個心越來越灰, 覺得希望渺茫。
事前自己預測, 宏業東街超級凶險, 要過死車、處理迎面車、轉彎即過死車等, 九成機會肥; 水邊圍、元朗工業邨機會一半半, 因要過油站的士或球場側邊的康業街處理死車迎面車, 加上較長途駕駛, 錯的機會增加; 元朗邨是最短最容易的路線, 九成機會PASS, 睇自己有幾緊張。
我考下午兩點, 一點半可以進去報到房, 見一班男生考電單車, 只有我一個私家車, 派了駕駛考試的過膠粉紅咭子, 寫上車身騙號和車牌號碼, 安排了一位駕院導師陪我試車, 可於場內兜圈, 和做斜路開停, 駕院的車狀況都好好, 未試過有問題, 他們甚至裡面有車房維修。小插曲, 在報到房叫我名時, 我一起身不知碰到什麼, 撞損了腳跟脫了一塊皮, 頗痛, 也流血滲透襪子, 可幸是左腳, 駕車只用到右腳, 沒有影響到。順道一提, 每次學車我都著這對鞋底好薄的converse鞋子, 容易感受到踩油門和腳掣的感覺, 是駕院教的, 也有道理。
![]()
試完車才返報到房等, 之後又叫名, 再由剛才的導師帶返去考車, 我上車帶好安全帶, 較好鏡和坐位, 雙手不要放呔盤, 等考官來, 粉紅咭、身份証和學牌就放考官坐位前方。
終於考官上車, 是年約三十多的年輕考官, 如傳聞中的是戴黑超的, 難道有規定? 不能讓我們望到他望哪裡?
他上車後我斯文地跟他笑笑打招呼說「阿Sir, 你好!」, 他先對一對証件, 問我姓什麼, 我爽快答了全名, 然後叫我讀前方上面第一個車牌號碼, 作為視力測驗, 接著駛向5 號位, 做泊位調頭。
今日學車好多, 我出車時要望兩邊無車, 我車子原來的位置左右都有車, 視線有點受阻, 我打右燈(其實不知有冇打錯, 之前說開車打右燈, 但我向左方行, 究竟打左定右對?) 望完鏡同盲點我見無車打算出去, 一出卻突然見左邊有車來, 立即停, 還好算及時, 下意識講聲「sorry」, chok親阿sir。入到5號位, 好冷靜地做泊位調頭, 最緊要停車要望三塊鏡, 開車望兩邊鏡加盲點, 車慢而呔快, 順利完成泊位和調頭, 接著是斜路開停, 也沒有問題, 之後轉左出街。
一出學院路是彎彎曲曲的, 我慢慢行沒太快, 始終行彎不太熟, 怕出軌, 去到路口轉左, 記得提早望右忘了打燈, 補打時已遲了, 考官跟我說行元朗邨, 我內心開心感動得很, 難以置信, 但表面很冷靜, 跟考官說「好, 唔該!」, 去到大路我穩陣地問是否轉左, 他答是, 前面有幾架學車, 慢慢等他們出, 排隊, 到我去到路口第一, 因左右都有死車, 我駛出少少停, 再小心觀察右邊有冇車, 用平生所學, 在右邊死車堆當中的隙縫, 看有冇車黎緊, 無就果斷地出, 一轉左有死車要緊接做過線動作, 也順利, 接著我又蠢蠢地問是否直行, 考官終於說你應該熟路喎。我承認我是有點白目, 識路但因有少少緊張, 明知故問了。
我過了死車望左鏡盲區後靠返左, 好自然地直行過安全島, 才驚覺遲了望去左線或右線, 在十字路口望一望左邊好像有死車, 看真原來死車在行人路上, 不在路面, 於是行左線, 記得望左鏡望盲點。第一個天橋下燈位排第一, 過了後望右鏡見右線後面有車, 令我轉不到線, 因太入神望後面的車, 突然望返前, 赫然見到自己車子行到擺下擺下, 幾乎剷去左邊雙黃線, 立即穩好呔盤, 望右鏡中鏡肯定後面無車, 把握時間轉線。
停天橋下燈位時, 我見到右邊線有大車, 我故意慢一點讓它先轉彎, 比較安全, 轉完彎順利cut右線, 去到富業街小路轉出宏業西街, 右邊有車我等了比較久至無車才出, 即使遠都等它過, 好過比考官踩brake嘛對嗎, 之後轉左入車房小街, 今日練過幾次, 及時學習到要點處理, 先轉入自己線, 即使有死車, 亦都夠位轉入的, 轉定才望右鏡盲點踩線過, 我轉入後一看, 竟然前面剛巧有車停了落貨, 我從來未遇過這情況, 即是說踩線行亦行不通, 該死的我右邊亦都有死車, 還好上帝放了我一條生路, 前面落貨的車與右邊死車之間, 夠我架車過, 我當時心想, 考官選這條短線, 應該想快點回去, 我不能辜負他, 要盡快送他回去, 便果斷望右鏡望盲區, 完美抽出右線行, 轉右後左邊一排死車, keep住行右線, 到轉右彎前左邊有空位, 望左鏡盲區後, 抽返少少左, 令個彎轉得較安全, 順利返返駕駛學校, 最後轉返個完美的彎, 駛入6 號位, 靠左停下, 然後發夢也會記住拉手掣、P波、POWER OFF, 不能讓自己敗在最尾, 做完後考官快速地跳車, 我也接著下車, 駕院導師也來提我拎齊東西, 我的確漏了學牌放在座位附近。
接著返房等, 我自覺沒犯大錯, 機功機會頗大, 等了大約5分鐘, 很快的有駕院職員讀我名恭喜我PASS了, 帶我去一間房, SELL金牌路路通講了5-10分鐘, 有3, 6, 9小時PLAN, 今日JOIN有優惠, 1年期有效, 3小時特價$1500, 我還是拒絕了, 推說暫時沒機會駕車。
細看成積表, 我驚訝斜坡停車開車、窄路調頭、倒後及停泊有這麼多輕微錯誤, 我已經盡力的望鏡望環境同盲區, 可能是望得不正確吧, 這一定得怪駕院的導師, 確是教得不夠好, 每個也是, 要求好簡單, 泊車不要踩線, 窄路調頭不要觸碰物件, 就此算了, 有少部分會提望鏡, 但怎樣望, 何時望, 是沒有仔細教到。路試只有六項細微錯誤, 我感到滿意的, 錯的都是我自己錯, 做得不好, 補鐘的EC PASS蔣Sir的教得好的, 最多謝他教我識轉彎, 彎轉得不好, 踩到角位或過線, 真的會肥的, 我考完後在場內偶然見到一架考試中的van, 返駕駛學院轉右去6線時, 突然被煞停, 看一看原來轉彎太早, 過了線, 考的是位妹妹, 肥梗。都明白的, 這樣駕車, 出到去會很危險, 影響其他道路使用者, 鄰線是可能有車的, 有車便會撞。轉彎, 睇唔通幾時扭, 確是大問題, 我也學了好久才懂。
![]()
總括一下, 非常感恩天公造美, 總括一下, 非常感恩天公造美, 今日上午和晚上都下雨, 晚上更是大雨, 還幸下午考車天色明朗, 更幸運是考官揀行元朗邨線, 一向運氣麻麻的我, 不敢相信我有如此好運, 說來可能我有考試運, 從小到大考試都是順利的多, 一路讀到大學一條龍無留過級無奔波過, 工作之餘晚上進修也是ALL PASS! 遇著考試總是有驚無險!
論緊張程度, 沒想像中嚴重, 無出手汗無手震, 亦有保持禮貌微笑希望留下好印象, 只是中途有少少失魂情況。網上很多人都說考官面很黑像心情不好, 有說考官會玩野不扣安全帶, 你不開車, 就喝你開車; 然後又有行說越容易的線, 執得越嚴, 動作少少做得不夠好就肥, 相反難度高的線會體諒; 又有說考官會說些話來考驗你, 例如泊車會問真係泊好? 我慶幸我的考官很正常, 不特別黑面, 行容易的路線, 也沒特別挑剔, 其實全程和他也不需有什麼交流, 如他指示轉左轉右, 只需有禮貌回應他「好, 唔該!」, 感覺平時和師傅出車差不多, 只是他變得沉默了, 而且遇突發事件要自己解決。運氣, 佔考車成功與否的一半, 比例極重, 考幾次才pass不代表特別差, 只是運氣不好吧。
============================================
感謝 熊熊的生活 提供以上資料
熊熊的生活的網誌: http://sheep05.blogspot.hk/
============================================
