富岳風穴同鳴沢冰穴唔算好遠,行番出公路大約行30分鐘就到
走入風穴,先要經過一小段青木原始林
講樣嘢你知呀,聽聞有好多人專程嚟自殺架
入到去青木原始林，每棵樹個樣都差唔多,加上成個樹林鐵含量高
指南針係度完全無作用, 有好多人就係咁係呢度盪失路而死
入去搜救嘅人都要綁繩入去, 而佢哋間唔中都會係樹上見到啲繩呀帶呀
無錯, 呢啲就係以前係到自殺嘅人留底嘅嘢...係呀，佢哋揀嚟呢度自殺無人可以搵到佢⋯
好啦, 番番正題, 如果乖乖地行正路就唔會出事嘅
第二站, 我哋嚟到富岳風穴
富岳風穴係一個橫向洞
雖然都有冰, 但係佢功能主要係做一個冷藏庫
比起頭先嘅冰牆,呢度嘅冰柱真係細好多
行到盡頭就會見到蠶同種子嘅貯藏庫
仲有發光苔蘚
行完冰穴同風穴,又到中午時間
好彩今朝食得飽, 趕上巴士,接住去西湖いやしの里根場
里根場有咩睇？跟我嚟啦！
＊係風穴手信店入面見到嘅富士山仔仔
已經乖乖坐咗係我屋企～＊
============================================
感謝 沙沙密卡的彩色世界 提供以上資料
沙沙密卡的彩色世界的網誌: http://sasamaka.pixnet.net/blog
============================================
