![]()
|
| 我和他的對話 |
![]()
前日講期貨今日講股票,我的博文極少講股票,因為不想招惹一些無謂的人到來,香港好多人打正旗號寫財經博,有些教人如何踏上財務自由,有些又教人如何賺千萬,有些又教人如何價值投資,但我睇完之後得啖笑就算啦,講真的班友炒股炒期貨係掂都住花園洋房,世界任我遊,仲邊度得閒寫博教人,基金經理黃國英在報章上寫過,香港大把寫財經的人還住板間房,本來住板間房冇乜所謂,可是炒股是金錢遊戲,成敗論英雄,幾個月前我曾在一财經博留言講以前見一位博客教人用信用卡透支借貸炒股,利息低至幾厘,佢用的是東亜信用卡,剛好我有東亜信用卡,我求証過根本冇幾厘息咁低,教人用信用卡透支炒股實在不敢恭維,可惜有盲毛留言,屈我話我手緊唔掂,要問信用卡點借錢.
我香港有一舊同學就喜歡炒股,成日whats app 同我大談股經,炒了20多30年都是得個桔,相反我另外一位朋友炒股賺千萬,家住花園洋房,有舖收租,每年兩夫妻來我這裡過年,但他從來不和我談股票,每次我問他對股市有乜睇法?他說唔知話我仲叻過佢,而我舊同學就喜歡比號碼給我,上面的對話可睇出他炒股成績,他十幾日前同我講目標價0.30仙,唉點知轉頭有賺0.22仙就走左,大前日做0.26仙,炒股風起就要揚帆,如果我炒股炒期貨學他,炒十年都唔夠錢買一家人的機票返香港,不要說再去其它國家了.
============================================
感謝 wai 提供以上資料
wai的網誌: http://ngwai.blogspot.hk/
============================================
