今次因為係好早機，所以四點半就要起身，但昨晚十一點半才收工，真係幾眼訓下！
我們五點半就到達機場，長榮櫃檯在E區，拿拿聲去辦登機手續先
原來今日都幾多人出發去台北，但我見到隔離個團係去台中的，而且好多老人家，真係有點擔心啊！順便辦好晒手續後，就去M記食個早餐先
同老婆試下個自拍神器先heehee
話咁快就夠鐘登機喇
今次坐到機尾，平票嘛
點解我見唔到妳既？
長榮機播既電影唔算好新，不過機程咁短，睇唔睇都得
睇下個早餐先
原來係中式點心，我就留下肚食午餐好過，食完個餐都差唔多降落喇
話咁快已安全到達桃園機場，原來今次係停在T2
出到了關，第一時間去ATM先
而我就去買張電話上網卡先，一個人都無，正啊
今次我試下大哥大先，我就選用B果個套餐，但選用後覺得中華好像比較好，不過就個人喜好啦
所有野搞掂晒後，就去買機場巴士車票
都幾多人租黎用喎
大家可以睇下右邊時間表先，然後才決定買邊間巴士公司
我就係無睇到時間表，問職員幾點有車，點知飛狗職員講既時間比較快，我們就買了5520，之後才知原來職員報既時間係T1開出的，比長榮巴士慢了些！又學到野喇^^另外要留意由市區去桃園機場17:30開出後，就要等到19:00才有車開出
不過大家要留意長榮5201由市區去桃園尾班車只去到16:45的，其它都係好多站的
車票NT$140一個人
一出到外面，就見到落緊雨既，有d灰灰地
飛狗係七號候車處
搵張椅坐下先
隔一陣又出太陽喎
上車後，沿路都幾好太陽bor，不過明天才是最關鍵
大概一小時十分鐘車程就到忠孝復興落車，然後先回酒店先，途中經常時兩時程，當你開雨傘就停雨，收雨傘就落雨，好鬼乞人憎！
我們行地下街就可避開d雨同馬路，直達酒店，非常方便，酒店樓下就係星巴克
我們入住凡登台北商務旅店，真係好鐘意住呢頭，又多野食又多野行，樣樣都方便，所以連續三次都係住這集團，因為價錢合理嘛
先辦理手續先，然後就寄存好行李，出發去食午餐喇heehee
今日午餐安排去鷹流東京醬油拉麵蘭丸，就在酒店行去延吉街大概15分鐘吧
現場已出現人龍，心諗真係咁堅？都無辦法啦，食飯時間個個都咁排，後來我才知道原來店裡只得六個位咋！我們起碼等了半小時囉......
這店因人手不足問題，好多野都係自助的，但服務都ok既，特別要提醒黎幫襯既客人，這店加麵底係免費架，即食幾多都得！
裡面職員得兩個人咋！一個係廚房、另一個就對客同洗碗，強啊
呢部就係售票機，而且係不設找續的
而且只可用100、50、10蚊！
這店有清湯同濃湯，老婆選擇清湯叉燒麵，我就係清湯SP叉燒麵
你就開心啦，我就繼續等！
清湯叉燒麵:呢碗叉燒麵就睇賣相係咪夠晒吸引呢？豚肉份量好足，雖然呢個係清湯，不過d醬油真係幾咸，職員落單時已問客人是否要淡些，而且還可加湯去溝淡些，不過d豚肉就一般般
清湯SP叉燒麵:呢個叉燒簡直係升級版，之後再講，這店既麵條選用細麵，同味千的一樣，唔係我喜歡既，所以平平無奇
我就可接受這咸味，唔覺得好咸果種，味道都ok
呢塊叉燒真係好得，咬落夠嫩之餘又有些彈性，真心要贊
其實我一向對流心蛋都無咩特別既觀感，但這個流心雞蛋做得認真唔錯，連個蛋白都超滑滑啊
相中係團友點的特濃SP叉燒麵，濃頭比較杰身同咸
食飽後，就去超市買個飲品先
他們選了純粹喝
我就揀了爆汁特上檸檬茶，原來特上既味道係咁淡的！
因為係文旦當造季節，我都揀返個先，揀文旦唔可以揀些太青色的，要黃黃地同小小收水才是最好，團友講我知的，唔知真定假架！
之後經過間萊姆園飲品店
萊姆我都未聽過，聽老婆講似檸檬既一種，我們好彩只買了一杯萊姆凰梨試試，點知個味道似罐頭凰梨汁囉，而且有點甜！
團友買這鞋有八折
在東區一帶行街購物，我都買到好多心頭好，而且今次好多店都做特價
買完野，行到有點累，加上天氣好悶熱，所以去歎個下午茶先，這間The lobby of simple kaffa，在V HOTEL樓下
睇到外國佈置都知道非一般啦，而且唔少美女在歎茶中heehee，我們都要等十五分鐘才有位
我們坐低後就點了太妃糖烤杏仁拿鐵、太妃糖烤杏仁牛奶、美式咖啡、黑糖拿鐵、蜂蜜半熟蛋糕、檸檬琉璃蛋糕、抹茶蛋糕卷、不一定有的提拉米蘇，埋單NT$1386蚊
太妃糖烤杏仁拿鐵:我認為四杯之中，我呢杯係最好飲的，因為夠晒特別，首先面頭那層太妃糖甜得黎好香，但又完全唔覺得甜到膩的感覺，之後就係白色那層好像布丁咁，係有口感的，而且職員講最好係唔用飲管，真係好特別
美式咖啡:朋友講咖啡幾香
黑糖拿鐵
太妃糖烤杏仁牛奶
檸檬琉璃蛋糕:第一口咬落，即刻味蕾嘗到好清新既檸檬味，就係面薄薄的那層，整個感覺好正
蜂蜜半熟蛋糕:呢個就比較普通
抹茶蛋糕卷:呢個抹茶蛋糕卷係我覺得比平安京茶事做得更好，裡面既抹茶醬及鮮奶油都好滑好滑，味道又濃又順喉，只有試過先知有幾好
不一定有的提拉米蘇:講到明係不一定有的，所以我就預早打黎問左先，免得白行一趟啦，這個Tiramisu我不得不贊做得很出色，之前我一直覺得我朋友係做得最好食的，但現在只能排第二位了heehee，講返這個Tiramisu有入口即溶的感覺，而且味道好先聲奪人，酒味非常夠，我食完都有點醉醉地啊hahahaaa
單據
食完個下午茶後，就回酒店沖個涼休息下，大概六點鐘又出發去食晚餐
酒店樓下就係地鐵站口，落大雨、打大風都無有怕啊
我們在101站出，因有個團友第一次黎台北旅遊
今晚晚餐係去馬辣打邊爐，我們選擇在neo19商場裡面的分店
因為一早已打黎訂好位的
咦！今次又有著數野送喎，我們當然知道啦，所以一定提前訂位時要講會分享他們fb那個優惠啊，如果當日去係無的
價錢表
以下係雪糕類別
以下係飲品
以下係甜品
所有肉類
我們選擇鴛鴦鍋
以上係點單紙
牛肉都幾多選擇架
三點蟹很麻麻，肉質霉既
蝦都幾新鮮
呢期贊fb推廣係送澳洲和牛啊，相中係四個人份量，估唔到竟然有咁多，百幾蚊港幣又有澳洲和牛食，算超值喇
睇下色澤同油花分佈都知唔差啦
每塊都幾大片架，入口嫩滑，靚牛即係靚牛heehee
鴨血亦係主角之一，我們不停叫職員加多d，呢餐真係食得超飽啊，點解？
話說neo19商場原來係有世界第二好吃的現烤冰淇淋菠蘿麵包既店，而且晚上八點就會關店，所以我咪急急腳落樓下買左先，加上我朋友中午咁0岩在沖縄食過，我就講我晚上才會食，他以為我又去沖縄hahahaaaa，到底係咪世界第二咁厲害？試過就知道
因為還有十分鐘就關店，所以已經唔洗排隊了
無論味道係點？好唔好食我先唔講，我要先贊下這店既店長同職員，因為我只買兩個菠蘿包，一個綠茶味同香草味，但店長竟然叫我等多幾多鐘先，因為麵包就黎出爐，這樣會更好食，我唔知係咪每個人都買到現烤的，因見店裡都有幾個烤好左的，所以我覺得幾細心
睇下女職員對住我笑得幾甜就知啦，唔通我真係咁靚仔？hahahaaaa
其實中間既餡係雪糕，現在一定要現場食，因都幾快溶的，雖然個雪糕真係真係比較普通左d，但個包烤得好鬆化好脆，我覺得就咁食個包會更好，因為雪糕溶了會整腍左個包！
食飽後就繼續慢慢行下街
最後我們行左去统一時代百貨台北店
團友又買鞋喇，上次已試買這牌子既解黎著，係防水膠鞋，比較有些款的
見到Oral-B有做特價，我極力推薦朋友買黎用，因真係刷得好乾淨架，不過要留意這火牛係110V的，好彩我有兩個220V火牛多heehee，或者去代理度配都得，全球保用架，我就買了兩盒，每盒有四支刷頭，竟然特價後$100蚊港幣都唔洗heehee，係咪好平呢？
之後回到酒店，就拆個文蛋黎食下先
咬落都幾多汁，而且幾清甜，唔錯，我們一邊食一邊睇新聞，留意個颱風路線圖，還要計劃下明天既行程表！
團購飲食編
靈感一到之自家煮
牛雜專區
峰甜品@沙巴
飲飲食食開大餐@香港
沙巴生活分享
廣西美食
深圳飲飲食食
2008年泰國勁食之旅
自家制火鍋
累積瀏覽 624865
全部攻略 1006
全部回應 275
