2016年台北5日4夜撐爆你個胃歎美食之旅-day2

今日訓醒第一時間係開電視睇新聞，睇到張圖都知外面一定勁大風啦，而且停工停課，我就打了幾個食店電話，問下有無開門做生意？好彩都有幾間係有開，所以就刷牙洗臉就出門

成條街靜到嚇死人，雨就唔算大，不過就勁大風，好彩樓下就係捷運站

好彩月台都有人在等車，如果得返我們幾個都幾驚下

我們搭去忠考新生站，不過外面好明顯個風勢大了好多，有雨傘都唔敢開

行了幾分鐘就到達72牛肉麵，老闆果然有開店

這間店都係米芝蓮星級食店

希望越大，會否失望而回呢？

因為外面橫風橫雨，老闆就叫我們入店等開店，因為早上11:00點才營業的，店裡既裝修比較簡單，牆身貼滿了亞洲區米芝蓮星級食店既排名及相

我們點定d食物先，清燉牛肉麵X2、清燉牛肉湯、紅燒牛肉麵、燙青菜，埋單NT$760蚊

免費配料

這店既湯頭係用大量牛骨去熬制72小時，所以湯頭會熬到好白

清燉牛肉麵

清燉牛肉湯:其實好多人誤解左，牛骨熬到變晒白色，唔代表一定係好濃好濃既牛味，好像韓國雪濃湯一樣，味道都係淡淡的，所以要加些鹽去提味，其實這店既湯頭算唔錯，老婆講好飲過韓國的

紅燒牛肉麵:我就偏向喜歡紅燒的，這店既紅燒湯頭都幾合我心意，味道很溫和，濃度適中

而且牛肉好大塊好厚切，咬落好嫩好腍，很唔錯

呢個係牛既精華，加了會提升湯頭既味道

岩鹽

酸菜:超級超級的淡啊，完全無味道！失敗

單據

食飽後，我們繼續下一站，睇下天氣越黎越差了！

捷運站一個人都無架！

緊接我們係去肥貓漁夫繼續食食食，反正打風那裡都去唔到

加上我們包了個場慢慢食，傾下計hahahaaa

這店主要係食海鮮丼的，而且價錢非常優惠

我們坐低後，就點了肥貓人氣海鮮丼、炙燒松葉蟹穴子丼、嚴選散壽司、每日限量海鮮丼、山珍野菇湯，埋單NT$1,559蚊

餐前小食魚皮:這塊魚皮好厚身架，咬落有彈性，味道都係酸酸地好開胃，超正

餐前小食蕃茄仔:咪睇小呢個蕃茄仔，我初時見到都覺得平平無奇，但咬落先感受到蕃茄味既爆發，而且係經過心思去調配，所以才能把蕃茄仔提升至另一層次，睇得出係有用個心去調制食物的

嚴選散壽司:雖然係碎既刺身，但其實每塊都幾大同幾厚架，老闆絕對係很豪邁，這個份量起碼身兩個人食啊

而且老闆細心到竟然俾個炭爐給客人到底要黎做乜？遲些開古

每日限量海鮮丼:d刺身真係好新鮮，一咬落係有生命架

炙燒松葉蟹穴子丼:這個份量多到呢......，先講下穴子即係星鰻，係海裡生活的，

星鰻既味道相對地比鰻魚較為淡的，但起碼無腥味，而且無骨的

而松葉蟹雖然比較少，但竟配上蟹羔，味道即刻唔同晒

肥貓人氣海鮮丼:我都唔知呢個丼總共有幾個款既刺身，但一定有七種以上，唔知香港要食一碗要幾錢呢？haahaaa

突然覺得自已好滿足呢^^

山珍野菇湯:無試

單據

其實個炭爐係用黎烤紫菜的，烤到脆一脆就用黎包個散刺身飯黎食的，真係正好多架

紫菜係無限量供應的，不過續加的紫菜會細塊一點的

其實我們在店裡面用餐時，外面真係風雨交加，真係大到人都企唔穩啊，好彩我就帶定雨褸過黎用

之後我們出發去台北車站地下街逛下，因為所見商場都無開、而地下街大概有6成商舖有開，行經7仔買了個香蕉牛奶黎飲，又幾好味喎，行了個幾鐘就回酒店休息

晚上風勢明顯無早上咁大，好彩附近都有食店開門，本來再去馬辣火鍋，不過要等位，所以改去醉麻辣，反正未試過嘛^^

醉麻辣離酒店唔太遠，行過去都係幾分鐘路程

價錢表，價錢比馬辣貴些少

有些品牌既食物

點單紙

水果

雪糕

飲品

火鍋配料

花茶

肉類

呢個滷牛肉竟然忘記了試！

甜品:限定一人只可揀一件！

現在都幾多坐位，不過坐得幾舒服

我們同樣點鴛鴦鍋，不過麻辣湯底味道偏淡，清湯就比馬辣好

醬料

肉類就切得太過薄了，口感上差些

以食物既新鮮度黎講，醉麻辣會比馬辣好，蟹即新鮮好多，而且竟然有鮑魚食，唔怪得價錢會貴些啦

鴨血味道都唔及馬辣

不過醉麻辣既甜品有一定既水準，真係唔普通架，有些驚喜，唔怪得要限一人揀得果兩件啦！

食飽後，我們就去了酒店隔離既屈臣氏行下，好彩還有開門，而且係24小時的

好多野都做緊優惠，加一蚊送多件，我連沐浴露都買黎試試，而且用信用卡超過NT$2千幾又會有優惠，真係好抵架