自從 9 月敗家媽媽轉左做半職以來,
除左應付我o既工作同做小齊書僮,
都叫多左時間做自己o野o既
其中一樣想做好耐o既o野就係煲返d 劇!! haha~~
小齊唔好阻我~ ~ ~
![]()
講緊係由舊年年尾開始果d!
因為舊年小齊考小學我又要返全日工太繁忙,
精神唔夠好難煲劇 ~
而家卒之抽到時間煲返夠本啦! 灑花灑花~
呢排煲左幾套劇, 好在都幾好睇喎!!
推介比媽媽們調劑下~ 湊仔以外輕鬆輕鬆
第一套: 琅瑯榜
![]()
坦白講無線播果陣我係無睇,
見佢收視咁低又咁多集都驚中伏,
抱著即管一睇o既心態開o黎睇睇
一睇不得了!! 宗主...太有型 (胡歌~ 胡歌~)
劇情亦好緊湊!
梅長蘇呢個角色真係啱晒胡歌做 (同佢本身經歷有點似)
胡歌演譯得太好了, 睇到我都入晒戲! 對白太有感!
最欣賞唔矯情o既男女主角...默默的一份感情
唔駛下下都死去活來, 我卒之明白點解無線播時無乜人睇,
根本層次唔同!
睇完成套之後我都忍唔住開左幾套胡歌有份o既劇o黎睇
風中奇緣, 偽裝者, 神話, 旋風十一人什麼... 但睇左幾集就睇唔落去,
可見我都唔係純睇樣, 劇情唔吸引都幾難繼續~
琅琊榜有小說做基礎, 劇本一定唔會太離譜
我都打算遲d 有時間睇埋小說再回味
![]()
我發現有小說做基礎o既劇都唔會太差
好似之前o既步步驚心同琅琊榜都好睇!
所以我又搵d 小說改編o既劇
第二套: 微微一笑很傾城
搵到呢套, 千尋有 4.8評分 (5分滿分)
![]()
唔駛點用腦, 幾有校園 feel o既劇
有時又好似打緊機咁, 虛擬世界o既劇情都幾多
整體狗血劇情不多, 低 B o既就有 D, 甜甜的有D位幾好笑
OK, 我承認我係為左一笑奈何 (楊洋) 睇晒呢套 , 30 集貨仔 ~
overall 可以一睇!
小說我都睇埋, 反正網上有而且好快可以睇晒,
我o既結論是劇比小說好, 因為虛擬場面睇書未夠傳神,
而且男主角的高顏值加分太多! 小齊都話佢靚仔咖!! (好彩佢眼光都唔錯, 哈哈)
![]()
第三套: 無心法師
又係小說改編, 千尋評分都算高, 我又開o黎睇睇
20集都好快睇晒, 唔錯的
講鬼神, "無心"呢個主角設定幾有趣,
岳綺羅睇到我都驚驚地...夜晚煲劇時更加陰深~
已經知道會開拍第二集
小說我睇左五份一左右, 劇比書中減去鹽花,
但可觀度不減!
![]()
第四套: 雲畫的月光
現檔劇! 仲追緊
其實都係好典型果d 梁祝 type 故事
男主角永遠都係最後先知女主角係女人果d呢...haha
不過俊男美女大家都樂意睇o既~
![]()
我都係趁小齊瞓左或返左學先煲咋,
有時慵慵懶懶煲下劇都算係慳錢o既娛樂呀!
下一套睇咩好呢?
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
