開學一個月小記

9月尾啦 ~ 剛開學一個月!
你睇我呢個月剩係寫得咁少 blog 文就知幾忙啦
時間匆匆過去, 每日累積經驗, 現在總算叫 OK啦
最難頂仍是 -- 早起!!!

夜晚唔願瞓o既人難免覺得早起特別難受...(我指我!)





每朝早上如果能夠有時間幫小齊紮起辮仔算係十分理想, 
時間掌握一流o既成果!
因為我地早上得15分鐘, 要做好去 toilet, 刷牙, 洗面, 食早餐, 預備茶點, 換校服, 紮辮...
有時已經趕唔切紮辮唯有拜託校車褓姆幫手紮,  XD XD



我諗小齊o係學校表現中規中矩吧, 
暫時無收到老師電話投訴 (萬幸~)
派返o黎o既工作紙有d 錯, 我問佢知唔知錯咩咁佢話知我就算啦
改正什麼佢一早都o係學校做晒, 咁我通常簽個名就算咖啦
小齊學校有樣o野都幾抵讚, 就係功課不多 (暫時~) 
一般係兩, 三樣左右, 功課堂已經可以做晒, 
返到屋企仲要做o既多數只係一 D 閱讀報告, 專題報告之類 (好在也唔多)
功課對於小齊o黎講真係小菜一碟 (暫時~)
話晒 KV 上黎, 
而家 D中文功課仲少過 KV 果陣, 
不過老師要求會高 D, 意思係捉錯字/錯筆劃嚴謹 D 
小齊都試過比老師捉筆劃錯, 不過我覺得好事o黎, 小學唔捉緊咪一路錯囉~
有d 安慰係老師讚小齊d 字靚, 叫佢比心機寫, 小齊話佢有貼堂,
多得老師讚美而家小齊做功課算幾比心機寫, 
我睇功課都輕鬆d, 字體可接受, 
係成日錯埋d 低 B o野, 大細楷呀, 漏 fullstop 呀果d... 呢d大意o野唔知何年何月先改善到? 



默書試過兩次, 之前都有同佢試默下, 
係有次我烏龍搞錯範圍無同佢溫就錯左, 
所以我都要小心D!! 
睇o黎我每日追 message o既功夫仲未夠!!
都帶左個訊息比小齊, 就係 -- "媽媽靠唔住咖!!" 
哈哈~ 你要靠自己呀!

好在學校不是一堆功課, 測驗咁推出, 
都可以比小朋友自己 pick up下, 對家長要求亦不高
有時我同返其他小一媽媽傾佢地升小後適應情況,
據我所知已經有 D 學校比 over 10樣功課, 默書要背默啦! (多是津校)
小齊呢度暫時仲未有咁情況 (好彩~) HONEYMOON中~



學校安排o既樂器班暫時上左 3堂 (家長陪同)
小齊話不容易吹, 但練多幾次就似樣d, 
而家受制於身材 (太矮) , 手指 (太幼), 口型 (甩牙) 會比較艱難, 
老師都叫小齊先練氣同咀型 , 慢慢o黎啦~
好彩 clarinet 唔噪音, 我在家陪佢練都覺得OK, 
我自己都乘機吹返兩咀 (係唔易, 所以小齊肯練我都讚)



開學一個月叫順利過渡啦...
仲有漫漫長路

============================================

感謝 敗家媽媽 提供以上資料

敗家媽媽的網誌: http://buyjiamama.blogspot.hk/

============================================