呢篇文純粹有感而發~
我知多數睇我 blog o既朋友都係媽媽級,
比小齊大o既同細o既都有
經過幾次sharing sessions之後我認識大家多左
知道有d 在為選小學, 選幼稚園煩惱中
特意寫低比您們收看~
![]()
非常老土o既講法係"選校沒有最好, 只有最合適"
老生常談但執行起o黎不易! 點為之最合適?
好多o野, 你唔試又點知合唔合適,
選校就好似買鞋咁, 好多人就會比名牌(名校), 款式 (gimmick/marketing) 之類o既o野吸引左
但好衰o既地方係, 就咁試 (所謂去簡介會, 開放日) 其實試唔出隻鞋好唔好著
一定要著出街行一段不少o既路先會知,
(我諗大家都會有著落對鞋先覺得頂指同刮腳o既經歷)
但學校呢, 唔通試讀下?
坦白講, 我而家都未知小齊呢間學校適唔適合佢?!
我覺得適合o既意思因人而異,
有人覺得小朋友考到好成績代表適合
有人覺得小朋友返學開心代表適合
有人覺得考到好o既小學 / 中學代表適合
我唔知呀, 選校o既o野人揀你, 你揀人,
好多時係主觀意願 (所謂心儀次序) + 客觀因素 (真實考到/抽到) 共融o既結果
簡稱 -- 天 ~ 意 ~
你有時不得不信"天意",
例: 見你最心儀o既, 小朋友就發燒
你覺得佢見得唔好o既, 有offer!!
你覺得大機會o既, 撞左另一間 interview , 要取捨
見左10間有9間都唔收, 第10間 -- 神校收你,
見左10間9間都收, 你最心儀果間唔收!
![]()
你咁諗啦, 其實已經"整定"有一間收你 (呢個都好重要o既, 其實都係讀一間啫),
中間呢d 全部都係過程, 一年後諗返會覺得當中o既起伏, 擔心其實係得啖笑
o係手上有o既offer(s)之中揀你覺得最好o既就算啦,
條條大路通羅馬!
小朋友其實好乖,
你比支持佢, 同佢一齊適應學校生活,
其實讀邊一間佢都會咁開心,
佢都會努力適應!
![]()
而家諗返自己讀小學時其實無乜印象
當時o既成績好似已無關痛癢,
我連畢業證書都唔見埋!
成績唔係唔重要, 但搵到方法讀書似乎更重要
小學(o係我印象中) 唔難讀,
肯溫書同做卷小心d 基本上已經可以有好成績,
但點樣培養"自發尋求知識o既興趣" 就唔係從成績上反映到
"自發尋求知識o既興趣" 先係中學同大學成績好o既關鍵
我都以此為目標希望幫小齊 build up 到呢種興趣
所以對於佢返學做功課, 測驗, 默書錯埋d 低 B o野唯有鍊住道氣...
同自己講 :" 注重啟發, 不問分數"
正在努力學習中
![]()
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
