2016年台北5日4夜撐爆你個胃歎美食之旅-更新day4

今早一起身又係出發去歎個早餐先

打完風呢些場面好普通姐

行了大概十五分鐘，終於到了M ONE CAFE，這店上次黎就摸門釘，所以今次一早就訂定位

坐低後就點了牛肉片漢堡、牛肉馬鈴薯餅、M-One什錦捲、冰拿鐵、冰摩卡，埋單NT$1590

套餐有跟麵包 :種類有貝果、牛角包、烤吐司、法國吐司選擇

漢堡類套餐:有沙拉或濃湯選擇

什菜沙律

牛角包:外層烤得夠酥脆，裡面就較軟熟，味道亦唔錯的

烤吐司:呢個吐司亦係入口軟熟，好味

牛肉馬鈴薯餅

我就唔覺塊牛肉漢堡有咩特別，反而塊薯餅煎得幾脆口就真

M-One什錦捲

這個蛋捲煎得幾好，d蛋好滑

牛肉片漢堡:牛肉份量好足啊，我喜歡個包，好軟熟

炸薯都ok

冰摩卡

橙汁

單據

食飽後就出發去迪化街，因為朋友要買烏魚子

如果有朋友想求姻緣既話，記得黎迪化街這廟，好多單身人士黎拜架

今日天氣超級悶熱，好焗好焗！

剛好經過夏樹甜品，所以入去食碗豆腐花涼一涼先

想要咩配搭可慢慢選擇，花多眼亂啊

這間杏仁豆腐就滑得多喇，味道唔錯

我們買齊野後，又出發去食午餐喇

我們途經台北車站，就先去108抹茶館買飲品

整杯綠茶沙冰解下渴先，咁既天氣真係好辛苦！

我們在中山地下街R4出口上去

本來會安排去這間元祖串炸，不過天氣問題，搞到胃口大減！

終於都到了京都屋鰻魚料理，大概行了十分鐘路程

這店係選用炭燒的

點單紙

我們坐低後就點了鰻魚飯(大)X3、鰻魚蛋卷、鰻魚壓壽司，埋單NT$2156

鰻魚飯:先講個飯同個汁都幾ok，醬汁唔係我想象中咁濃味，比較溫和的，但個飯好好食

鰻魚唔算很肥，不過層皮烤得好脆，而且有陣炭香，不過咬落都比多幼骨，食得唔太舒服，如果再處理好些就更好

鰻魚蛋卷:這個蛋卷超好味架，蛋應該有用上湯混入，咬落好軟熟，味道很好

鰻魚壓壽司:老婆點的

埋單

老婆一見到狗狗就開心

途中行經中山市場，我就提意入去行下，睇下有咩意外收獲先

市場入面唔算好大，攤擋亦唔大多，但唔代表無好野的heehee

就近門口有檔賣入口水果的，比我發現到竟然有青印提子賣，而且又係好飽滿的，問了價錢才NT$1000咋，所以決定買下它啦

係咪好新鮮好飽滿呢？

之後回酒店放低野，又出去附近行街購物

其實團友在asics旗艦店買鞋，出門口俾我見到對面馬路又有一間分店，我們咪去睇睇，就在haagen dazs隔離

原來係個特賣場

都幾多衫同鞋賣，價錢都平架

這對都係三百幾蚊港幣，買黎返工都唔錯

衫就真係買好多，呢些款好透氣的，百幾蚊港幣一件^^

買完野先返酒店放低d戰利品先，酒店樓下就有得用銀聯卡提錢，好方便架

下午茶我們去了le kief 樂吉，這店係賣龍蝦堡的

我們分別點了龍蝦堡及松葉蟹堡，埋單NT$898蚊

現埋即點即做

龍蝦堡:這店選係用波士頓龍蝦做賣點，相中係足足用了一隻龍蝦黎做架，咬落每一啖都係蝦肉，肉質係幾新鮮，不過波士頓龍蝦味道就比較淡口！

松葉蟹堡:反而松葉蟹會比較濃味些，而且解肉都唔少架，我們都覺得這個比較好

食完龍蝦包，就去左明曜百貨行下

呢枝梅花酒聽職員講一年才生產1-200支，而且梅花係在酒裡面才開花的，而唔係開了花才放入，團友就買了一支做手信，就算做擺設都幾靚

我們試飲過呢隻青梅黑糖，對身體好有益的，特別對經常便秘既人特別有效

商場做緊優惠活動，購物到某一金額就有野送，我們有兩支韓國洗頭水送！

之後返了酒店沖涼，然後就食青印提子，昨天就已過巨峰，都係同一產地

每粒都精神飽滿又結實

食青印提子就係喜歡個皮夠脆、多汁，我未試過食提子係食到咁飽架！真係好正

之後出發去饒河夜市

我們在松山捷運站1號出口

我們行去正門入，其實途中有些小巷入去都係饒河夜市黎架

這個係慈祐宮媽祖，好多人

饒河夜市正門

近門口就見胡椒餅，這個係必食的，睇到咁多人排隊就知啦

現場即包即烤，分兩批人在包餡

我睇到他們把大量材料塞到個包好滿滿

真係炭爐現在烤的，好吸引

終於排到我喇，老闆我要兩個，唔該^^

饒河夜市都幾長下，人流好多，所以感覺好悶熱

好多魷魚啊

我們決定幫襯北海魚翅羹

因為裡面夠乾淨又有冷氣歎，我們點了海鮮羹X2、炒冬粉

海鮮羹:裡面材料好足，味道都ok

炒冬粉:普通

胡椒餅:睇下裡面既材料咁飽滿，點可能會唔好食

外層烤得夠香脆，醬汁亦調得很好，我認為饒河夜市最好食既其中之一檔

魷魚夠晒厚肉，烤得剛剛好，唔錯

金林三兄弟藥材湯:我地目標就係這間

當我坐低點好晒才留意到原來有二樓架，最緊要係有冷氣嘛！

不過唔係咁容易發覺到

藥材排骨湯:d排骨多到呢，而且d肉質唔粗糙架

啖湯既藥材味剛剛好，好香當歸味，而且肉味都幾濃，值得一試

呢間侏儸記講到自已既魷魚好天下無敵咁！

你講到咁，我唔試唔得啦！

試完之後，我想講唔怪得無人排隊啦，好普通既沙嗲味之嘛！而且唔太濃

呢隻叫王小狗？好鬼搞笑

行行下見到檔賣肉乾既

又會厚到咁！

價錢都ok，試食過味道都唔錯，所以買了幾包自已食先

呢問口袋吐司本來我都在排隊架

價錢表

點知就到我時，聽到前面在食緊既人講話好油，然後我即刻望向裡面，麵包拿去炸，一定吸油啦，所以我都係唔試喇！

呢檔圓圓燒又係鬼咁多人排隊

其實可以快些的，就係收錢條友慢手慢腳，唧醬落面頭咁簡單都可以慢到咁！都唔知係咪特別要有人龍架！

我試了一啖就唔想再食，超普通！

呢間臭豆腐好出名架，而且又有得裡面坐

我地叫了一份臭豆腐，炸得夠晒鬆脆，而且還有自已加個豆瓣醬都唔錯架

這檔仙人掌汁好特別，我未試過架，買了杯冰沙試試

個味道酸酸地，有些似洛神花既味道

我就買了杯楊桃汁，味道有些像話梅味，幾得意既

老婆就買蔗汁飲，唔似有溝水的，唔錯

最最最最最最最唔掂就係呢檔燒栗米，d栗米口感極差，黐牙黐到死，最難食就係面層果些醬，古古怪怪，完全唔知點形容，總之超難食！

總結饒河夜市食物選擇比較多，但中伏率都幾大，我只會掛住個胡椒餅同個藥材湯！之後返忠孝敦化站，無記錯sogo向前行第二個路口，轉左入去

見到橘子工坊就到了我最愛既鹽水雞

今晚我們好夜先到，好多都已沽清了！只可買到少許，不過總好過先！這檔鹽水雞真係超正架

酒店樓下呢檔就！