是日我再次挑戰朋友們的底線, 今回唔再玩索溪, 我地去礦洞探險 !
係 North Wales 一個叫 Corris 的小鎮, 就有一個 Old Slate Mine 開放俾公眾參觀, 不過要入去礦洞探險, 就梗係要搵人帶啦 !
我地就係 join 左呢間 Corris Mine Explorer 的一個 4 hours guided tour (half day tour), 另外尚有 1 hour & 2 hours tour 可選擇, 不過行程時間太短, 礦洞入邊睇唔到幾多就要出番黎, 我玩過之後都係會推介大家參加 4 小時的行程 !
我們準時 10 點到達, 等到參加者們齊集, 就由我地的 tour guide – Mark 帶領去換裝備.
大會提供的裝備唔太複雜, 就係一個頭盔, 一盞頭燈 (連一大舊電源), 安全扣, 安全繩 以及 水鞋. 反而自己要準備足夠厚衫作保暖, 身穿的衣服預左會整污糟 以及 最好唔好揹袋入去 !
Corris Mine Explorer Webpage :
當大家都 gear up 後, 就可以出發去礦洞去了.
這個 Slate Mine 有百多年歷史, 是一個一直在運作的石礦場, 直到 40 多年前才被採礦公司棄罝的.
由於這磄場是被棄置的, 因此如今這礦洞內其實尚有不少礦石, 不過現今都唔會再有人要呢種石材作建築用途, 反而礦洞的保育變得更為重要.
這個礦場一共八層, 由山頂到地底咁去計算, 我們的入口在第 5 層, 是礦場的主要出入口.
礦洞內黑漆漆一片, 我們當然要靠頭燈來照明. 不過當年還未有電燈這工具, 礦工又要省錢省物資, 因此他們大都要模黑入礦洞中的. 能在漆黑中可以清晰地 locate 到自己位置, 呢樣原來都係礦工們的生存本能之一.
在礦洞入要非常注意安全, 要使用安全扣時, 記得要扣好晒 2 個先得 !
除了起臨時工作台, 礦工們還會在石牆上加鐵鍊, 作用同樣是將自己纏在半空中工作 …
相三 & 四中的, 就是礦工們留下的鐵鍊 ….
玩這個 Tour 要多加留意安全 及 地面狀況, 聽清楚 Mark 的指示, 有時要爬高爬低, 又要留意那個洞有下陷情況, 唔係個個洞都可以行入去架.
相四看上去就如一個無底洞, 如果唔小心點, 會一直跌落去幾層深.
相一的係一支蠟燭, 看似平平無奇 ?!
呢支其實係舊年代用鯨魚油制成的蠟燭, 成本很高, 而同要家中有人手幫忙制作才成.
要用到鯨魚油係因為燒起黎, 佢的亮度最夠, 不過制作成本高及費時, 佢地平均係 5 個礦工在一個 Chamber 只會 share 3 支蠟燭, 咁大家可以想像佢地的工作環境可以有幾光丫, 睇唔清的後果咪成日都會跌死囉 …
呢堆真係古董黎, 係當時的人用來食煙的 clay pipe, 有些是廠制, 也有是 homemade 的 !
黎到呢度, Mark 要我地試下用鑽同鎚係牆上打洞, 以當時的人, 平均要 3 小時才用人手打成一個洞.
呢個洞係用黎放炸藥, 搞掂晒放埋藥引, 點火作爆破 …
當時有部份礦工為了省藥引 (因為又係向採礦公司買番黎), 用了很短的藥引而走避不設, 就乾脆用相四中那片薄石塊來作擋箭牌 …
整個 Tour 我們就跟著 mark 係礦洞中遊走, mark 說他每回走的路線也不一, 對我們來說就是在黑暗中左轉右轉 …
來到一個 open chamber, 是一個可以看到日光的 Chamber, 大家很興奮以為可以走了, 怎知好戲在後頭 !
原來 mark 要我們由呢一層, 手腳並用咁爬上去第四層 !
我就一向大膽些, 決定游繩上一半再半爬牆咁去, 好不容易我們來到第四層, 但由第六張望番落去, 都真係好高下喎 …
任務完成, 我們總算”逃出生天” 了 !
這個 Tour 除了很有冒險感外, 其實 mark 係一個很有知識的 tour guide, 對這個礦洞真係瞭如指掌, 佢都有提供大量資料去將礦洞的歷史寫成書, 今回我都有幫襯到, 因為只要 10 鎊已經得到一本厚厚的資料書哦 ~
完成活動, 我們實在太餓, 就没有轉場在當地 Cafe 食埋午飯了.
進入礦洞前還是天陰陰, 出來卻變得天清氣朗, 我們在回程路上拍到不少好風景.
North Wales 風景確係好 !
在大自然中, 常見到不同動物, 在農業社區, 就當然係牛同羊啦 ~
回到 Lake Bala, 趕及在日落前拍攝風景照 …
在入村之前, 剛好有一個湖畔公園, 是觀賞日落, 望山看水的好方.
唔明白湖都可以咁大, 大到起晒浪咁架 …
不過, 呢度的日落風景真的很美 !
我們在這裡逗留了一陣子, 直到日落消失, 我們才離去…
晚飯就在村中一家餐廳搞掂 !
點來三餸一湯, 份量一定夠填飽我地架啦 !
Homemade Foods 果然有番咁上下質素, 好味之餘同埋超足料呀 !
我地機乎冇一日係會有餓感架囉 ?!?!?!
============================================
感謝 漂泊中的魚 提供以上資料
漂泊中的魚的網誌: http://traveling-fish.tixmart.org/
============================================
