一早打電話預約時晚到餐廳食德國菜，第一次黎，走進店第一眼感覺環境不錯，有可以望到街境的玻璃窗，空間感增加令人舒服，看得餐廳用心佈置，有德國國旗、紅磚牆，加埋有音樂播著，氣氛不錯。
![]()
![]()
先食前菜，北海道刺身帶子薄片伴蕃茄莎莎青檸檬欖油 $128
帶子新鮮，味道清新，是一個味道清清地不錯的前菜
![]()
餐湯分別點了兩款，第一樣海鮮蕃茄清湯 $68，睇落湯色平平無其，卻品嘗到清甜鮮甜味，仲有蝦同帶子，令我想起中式湯，有一點fusion感覺。
![]()
另外，第二樣傳統匈牙利熱燉牛肉湯 $58，湯頭味道似濃郁版羅宋湯，特別推介比鍾意重口味的朋友，用湯品配旁邊脆麵包食特別夾，味道醒胃。
![]()
飲完湯，是時候食主菜，我地好鐘意食牛，今次一反常態試下呢個香草牛油燒澳洲雞伴薯條和田園沙津蘋果燒汁 $168，想不到燒雞會有意外驚喜，我地異口同聲覺得以燒雞黎計非常美味，雞肉配得非常入味之外，整件雞肉一樣咁嫩滑，真正是皮脆肉嫩有肉汁，薯條香口又脆身
![]()
另一個主菜係西班牙墨魚汁海鮮飯 $238
哇！賣相很吸睛????海鮮量豐富! 有大蝦、帶子、青口，仲有蜆，蝦肉爽口彈牙，相信有預先醃過，所以好入味，青口帶子樣樣新鮮！鮮味突出連墨魚汁飯的味道也不會被搶去，要推介！
![]()
女孩子的確有兩個胃，很飽也要點柚子芝士蛋糕 $48
芝士蛋糕質地細滑，兩個味很平均，柚子同芝士味兩者共存，柚子皮中和左芝士膩的感覺，口感輕盈 ，飯後甜品最佳選擇。
![]()
================================
感謝Yan_PIG提供以上資料
Yan_PIG的網誌: http://www.openrice.com/zh/gourmet/reviews.htm?userid=151904&city=hongkong
================================
